Nahumu 3:3 - ÎVUKU RÎA ÛVORO MWARO

³ Arîa mathiîcaga mekarîrîte mbarathi nîmaratharîkîra, mviû na matumû nîiravenavenia; arîa maûragîtwe matingîtarîka, ciimba nî nyîngî mûno; andû maravîngîcwa nî arîa akuû!

Nahumu 3:3 ပူးပေါင်းရင်းမြစ်များ

Kîam 3:24

Ngai-Mûnene nîwengatire mûndû na akiga ciûmbe irî mwoyo cietagwa Akerubi mwena wa îrathîro wa mûgûnda wa Edeni, na rûviû rwarîrîmbûkaga mwaki na rwathiûrûrûkaga mîena yonthe. Eekire ûguo nîguo njîra îrîa îthiîte mûtîrî wa mwoyo ndîkathiîrîrwe.

2Atha 19:35

Ûtukû ûcio, mûraika wa Ngai-Mûnene nîwathiîre kûrîa andû a Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko Kîam mûthenya ûcio wîngî, nîmeethîrîrie athigari acio onthe marî akuû!

Isaia 34:3

Ciimba ciao igatewa na kûu nja, na mûnungo wa ciimba ciao wîcûre vûrûrirî; nayo nthakame yao îkanyûrûrûka kuuma irîmarî.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Isaia 66:16

Nîûndû Ngai-Mûnene agaatuîra andû onthe na mwaki na rûviû rwake; nao andû eengî nîmakaaûragwa.

Ezek 39:4

We, athigari aku a mbaara, na andû a mavûrûri marîa manyitanagîra nawe nîngaamanenganîra matuîke irio cia kûrîwa nî iconi cia mîthemba yonthe na nyamû cia kîthaka.

Alawi 26:37

Mûkaavîngîcanaga mue ene takwa mûrîte mûtikaûragwe vîndî îrîa gûtarî mûndû ûmûvinyûrîtie, na mûtikaavota kûrûa na nthû cienyu.

Nahumu 2:4

Ikaari cia mbarathi nîivinyûraga mûno njîrarî, ithiîcaga mîena yonthe kûu kîvarorî. Imûrîkaga ta kîmûrî, ithiîcaga na îvenya ta rûveni.

Habakuku 3:11

Riûa na mweri nîciarûngamire irî kûrîa ciîkaraga, rîrîa cionire ûtheri wa mîguî yaku îthiîte mûno, rîrîa cionire îtumû rîaku rîkîvenavenia.