Nahumu 1:3 - ÎVUKU RÎA ÛVORO MWARO

³ Ngai-Mûnene ndarakaraga na îvenya nwatî arî vinya nyîngî; ke ndetîkagîra arîa marî na mevia mathiî mataverithîtue. Varîa Ngai-Mûnene avîtûkagîrîra nî vaumaga rûkûngi na kîvuvûkanio; matu nî rûkûngû rûrîa rûgûrûkagua nî makinyo make.

Nahumu 1:3 ပူးပေါင်းရင်းမြစ်များ

2Sam 22:10

Nîwatuîkanîrie matuurî na akînyûrûrûka nthî, nayo nduma ndumanu yarî rungu rwa magûrû make.

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Ayubu 10:14

Wanduîragia wone kana nîngwîvia, nîguo ûrege kûnjovera mevia makwa.

Ayubu 38:1

Nake Ngai-Mûnene arî kîvuvûkaniorî nîwacokerie Ayubu atîrî:

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 103:8

Ngai-Mûnene arî ntha na nî mûtugi, ndarakaraga na îvenya na ecûrîtwe nî wendo ûtathiraga.

Thaburi 104:3

ûtumîte mûciî waku îgûrû rîa manjî ma îgûrû. Ûtuîte matu gîkaari gîaku gîa gûkuucua, na ûthiîcaga ûtûîte mathagurî ma rûkûngi.

Thaburi 145:8

Ngai-Mûnene nî mûtugi na arî ntha, ndarakaraga na îvenya na nîecûrîtwe nî wendo ûtathiraga.

Thaburi 147:5

Ngai-Mûnene nî mûnene na nîecûrîtwe nî ûvoti, ûûgî wake ndûngîthimîka.

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Thaburi 62:11

Nîmbîguîte mavinda meengî Ngai akiuga atî ûvoti nî wake,

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Jona 4:2

Kwoguo nîwavoire atîrî, “Ngai-Mûnene, na kinthî mama tîmo maûndû wa marîa naaugire rîrîa naarî mûciî? Kîu nîkîo gîatûmire mbûrîre Tarishishi, nîûndû nînaicî atî we ûrî Ngai ûrî wendo na ntha, ndûrakaraga na îvenya, ûrî wendo ûtathiraga na nîwîricûkagwa ûkarega kûverithania.

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.

Ndari 14:18

‘Nie, Ngai-Mûnene, ndiviûvaga kûrakara na mbîcûrîtwe nî wendo ûtathiraga, na nînjovanagîra mevia na waganu. Nwatî ndikaarega kûverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.’

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Jakuvu 1:19

Arata akwa ende, ririkanagani maûndû mama! Mûndû wa wonthe nîaviûvage kwîgua, nwatî ndakaviûvage kwaria kana kûrakara.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!