Mûvunjia 9:3 - ÎVUKU RÎA ÛVORO MWARO

³ Ûyû nî ûndû mûcûku mûno gatagatî ka marîa monthe mekîkaga gûkû nthî atî, mûrigîrîrio wa andû onthe nî ûmwe. Andû methagîrwa mecûrîtwe nî maûndû macûku na ûgûrûki na mûthiiarî magakua.

Mûvunjia 9:3 ပူးပေါင်းရင်းမြစ်များ

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Ayubu 15:16

ndangîvota kwîvoka mûndû wa gûkû nthî, mûndû ûrîa ûnyunyaga waganu ta manjî.

Ayubu 21:26

Kûnarî ûguo, onthe makucaga na makathikwa, magacoka makaûmbwa nî igunyû.

Ayubu 9:22

Maûndû monthe nîûndû ûmwe, kwoguo mbugaga atî, Ngai acûkangagia andû aro wana arîa acûku.

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Thaburi 64:7

Nwatî Ngai nîakaamaratha na mîguî, na makagurarua wa rîmwe.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Mûvunjia 1:17

Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 12:7

Mwîrî ûgaacoka mûtheturî wa kûrîa waumire, naguo mwoyo ûcoke kûrî Ngai ûrîa waûvecanire.

Mûvunjia 2:14

Mûndû mûûgî nî onaga kûrîa athiîte, nakîo kîrimû gîtionaga kûrîa kîthiîte. Nwatî nînaamenyire atî mûthiia wa andû acio wa oîrî nî gîkuû.

Mûvunjia 7:2

Nî kava kûthiî kûrîa andû maracakaya gûkîra kûthiî kîrugorî, nîûndû mûthiiarî andû arîa marî mwoyo nîmagîrîrwe nî kûmenya atî tuonthe nîtûgaakua.

Mûvunjia 7:25

Nînendire kûmenya na gûtuîria na gûcaria ûûgî na gîtûmi Kîam maûndû, wa vamwe na kûmenya waganu nî ûrimû na ûritu nî ûgûrûki.

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Mûvunjia 9:2

Gûtirî ngûrani ya mûndû mûthingu na mûndû mwaganu, mûndû mwaro na mûndû mûcûku, mûndû mûtheru na ûtarî mûtheru, arîa marutaga matega na arîa matarutaga, nîûndû mûrigîrîrio wao onthe nî ûmwe. Gûtirî ngûrani ya mûndû mwaro na mwîvia, na gûtirî ngûrani ya mûndû ûrîa wîvîtaga na ûrîa ûtevîtaga.

Mûvunjia 9:4

Nwatî mûndû wa wonthe wînyitithanîtie na andû arîa onthe marî mwoyo arî na kîîrîgîrîro, nîûndû nîkava ngui îrî mwoyo gûkîra mûnyambû mûkuû.

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Luka 15:17

Na mûthiiarî, mwanake ûcio nîwakirire na agîîciria atîrî, ‘Andû onthe arîa marutaga wîra kwa vava marîcaga, makavaa na magatigaria, nwatî nie nîrakuîra gûkû nî yûra.

Luka 6:11

Nao andû acio nîmaatûmbirwe nî marakara na makîambîrîria kûrania ûrîa magwîka Jesû.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Ciîko 26:11

Na kwa mavinda meengî nînatûmire maverithue marî mavoerorî na nînaageririe gûtûma marega wîtîkio wao. Na nîûndû wao nînaarakarire mûno nginya ngîthiî kûmarûmîrîria matûûrarî mageni nîguo nîmanyarire.

Ciîko 26:24

Rîrîa Paûlo eetetagîra na njîra îo, Fesito nîwamûgûkirie akîmwîra atîrî, “We Paûlo wî na ngoma. Kîthomo kîu gîaku kînene nîkîo kîratûma ume ngoma!”

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

2Pet 2:16

Nwatî Balaamu nîwanegenirue nîûndû wa ciîko ciake. Nayo mvunda yake nîyaririe na mûgambo ta wa mûndû, îkîîra mûrathi ûcio atige ciîko ciake cia ûgûrûki.