Mûvunjia 9:1 - ÎVUKU RÎA ÛVORO MWARO

¹ Nîneciririe kavinda karaca ûvoro wîgiî maûndû mau na nînonire atî, Ngai nîke ûtongoragia ciîko cia andû arîa aûgî na arîa athingu. Wana ethîrwa nî kwendana kana nî kûmenana, gûtirî mûndû wicî maûndû marîa marî mbere. Maûndû monthe nî ma mana.

Mûvunjia 9:1 ပူးပေါင်းရင်းမြစ်များ

Ayubu 12:10

Ûtûûro wa kîndû wa kîonthe kîrî mwoyo, na mwoyo wa mûndû wa wonthe ûrî njararî cia Ngai.

Ayubu 27:12

Nwatî gûtirî ûndû mûtonete! Nîndûî vi kîratûma mwarie tûkûtûkû?

Ayubu 5:8

“Nie nîngîrî we nîngîcokerera Ngai, na kûmwîra mathîna makwa monthe.

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 119:109

Mbîthagîrwa vîndî cionthe nîrî thînarî wa gîkuû, nwatî ndiriganagîrwa nî watho waku.

Thaburi 31:5

Nînakûnengera mwoyo wakwa, nîûmvonoketie, we Ngai-Mûnene; we wî Ngai mwîvokeku.

Thaburi 73:3

nîûndû nînegucagîra andû arîa etîi wîru, rîrîa nonire atî andû arîa aganu nwa maûndû maro monaga.

Nthi 16:3

Nengera Ngai-Mûnene maûndû marîa ûrenda gwîka, na mîvango yaku nîîkaavinga.

Mûvunjia 1:17

Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 10:14

Kîrimû Kîamragia ciugo nyîngî mûno, gûtirî mûndû wicî ûrîa gûgekara vuvarî, na gûtirî mûndû ûngiuga ûrîa gûgeekara twarîkia gûkua.

Mûvunjia 7:15

Ûtûûrorî wakwa mûnini nîmonete maûndû monthe. Mûndû mûthingu nîakucaga wana ethîrwa nî mûthigu, na kûrî mûndû mwaganu ûtûûraga kavinda karaca wana ethîrwa nî mwaganu.

Mûvunjia 7:25

Nînendire kûmenya na gûtuîria na gûcaria ûûgî na gîtûmi Kîam maûndû, wa vamwe na kûmenya waganu nî ûrimû na ûritu nî ûgûrûki.

Mûvunjia 8:14

Kûrî ûndû wa mana wîkîkaga gûkû nthî. Andû arîa athingu nîmekagwa maûndû marîa magîrîrwe gwîkwa andû arîa aganu, nao andû arîa aganu mageekwa maûndû marîa magîrîrwe gwîkwa andû arîa athingu. Ûcio wanaguo nî ûndû wa mana.

Mûvunjia 8:16

Rîrîa nageririe kûgîa na ûûgî na ngîona maûndû marîa andû mekaga gûkû nthî, nînamenyire atî nwa wîkare ûtamamîte mûthenya na ûtukû.

Mûvunjia 8:7

Gûtirî mûndû wicî ûrîa gûgeekara vuvarî, na gûtirî mûndû wa kûmwîra.

Mûvunjia 9:6

Wendo wao, rûmena rwao na merirîria mao cionthe nîciakwire vamwe nao. Kwoguo matikaanyitanîra maûndûrî marîa mekagwa gûkû nthî.

Isaia 26:12

We Ngai-Mûnene nîûtûvete thayû, nîûtûvotithîtie kûruta mawîra metû monthe.

Jeremia 43:6

Andû acio maarî: Arûme, aka, ciana, erîtu a mûthamaki, na andû onthe arîa Nebuzaradani mûnene wa arangîri aatigîte na Gedalia mûvîcî wa Ahikamu, na ûmawe aarî Shafani; nîmoocire wana Jeremia na Baruku mûvîcî wa Neria.

Gûco 33:3

Ngai-Mûnene nîwendete andû ake, na nîagitagîra andû ake. Kwoguo nîmenamagîrîra magûrûrî make, na makamûkîra mawatho make.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

1Sam 2:9

“Ngai-Mûnene nîke ûgitagîra andû ake arîa mamwîvokete, nwatî andû arîa aganu maûragîra ndumarî. Nîûndû mûndû ndavootanaga na njîra ya vinya wake ke mwene.