Mûvunjia 8:7 - ÎVUKU RÎA ÛVORO MWARO

⁷ Gûtirî mûndû wicî ûrîa gûgeekara vuvarî, na gûtirî mûndû wa kûmwîra.

Mûvunjia 8:7 ပူးပေါင်းရင်းမြစ်များ

Esita 5:12

Hamani nîwathiîre na mbere na gwîtîîa na akiuga atîrî, “Wana Esita mûka wa mûthamaki ndeta mûndû wîngî kîrugorî gîake tiga nie na mûthamaki na tûrî ete rîngî rûyû.

Nthi 24:22

Nîûndû thîna nîûkaauma kûrî o wa rîmwe, na ûthirie arîa maregaga kûmathîkîra.

Nthi 27:1

Ndûgetîîe nîûndû wa ûrîa ûgeeka rûyû, nîûndû ndwîcî gûkethîrwa gwîkariî atîa.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Mûvunjia 10:14

Kîrimû Kîamragia ciugo nyîngî mûno, gûtirî mûndû wicî ûrîa gûgekara vuvarî, na gûtirî mûndû ûngiuga ûrîa gûgeekara twarîkia gûkua.

Mûvunjia 3:22

Nînaacokire ngîmenya atî ûndû ûrîa mwaro mûno mûndû angîka nî gwîkenia na indo irîa acarîtie nîûndû ûguo nîguo avangîrîtwe. Gûtirî mûndû ûngîmenya ûrîa gûgekara arîkia gûkua.

Mûvunjia 6:12

Nû wicî maûndû marîa mûndû agîrîrwe nî kwîthîrwa namo kavinda kanini karîa mûndû agûtûûra mwoyo, ûtûûro ûrîa ûvîtûkaga ta kîruru na ûtarî vata? Nî ûrîkû gûkû nthî wicî maûndû marîa mûndû akaagîa namo akua?

Mûvunjia 7:14

Vîndî îrîa maûndû maku marî maro kenaga, na vîndî ya mathîna ririkanaga atî: Ngai arûthîte maûndû maro wana macûku nîguo mûndû ndakamenye ûrîa gûgeekara vuva wa gûkua.

Mûvunjia 9:1

Nîneciririe kavinda karaca ûvoro wîgiî maûndû mau na nînonire atî, Ngai nîke ûtongoragia ciîko cia andû arîa aûgî na arîa athingu. Wana ethîrwa nî kwendana kana nî kûmenana, gûtirî mûndû wicî maûndû marîa marî mbere. Maûndû monthe nî ma mana.

Mûvunjia 9:12

Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Mathaayo 24:44

Kwoguo mue wa namue nwa nginya mwîkarage mwîvarîrîtie vîndî cionthe, nîûndû Mûrû wa Mûndû agaûka îthaa rîrîa mûkeethîrwa mûtamwîrîgîrîrîte.

Mathaayo 24:50

Mwathi wa ndungata îo agaacoka mûthenya ûrîa ndungata îo îtamwîrîgîrîrîte na îthaarî rîrîa yo îtaicî.