Mûvunjia 7:2 - ÎVUKU RÎA ÛVORO MWARO

² Nî kava kûthiî kûrîa andû maracakaya gûkîra kûthiî kîrugorî, nîûndû mûthiiarî andû arîa marî mwoyo nîmagîrîrwe nî kûmenya atî tuonthe nîtûgaakua.

Mûvunjia 7:2 ပူးပေါင်းရင်းမြစ်များ

Thaburi 90:12

Kwoguo tûthomithie kûmenya ûtûûro wetû ûrîa wîgana, nîguo tûgîe na ûûgî.

Mûvunjia 2:14

Mûndû mûûgî nî onaga kûrîa athiîte, nakîo kîrimû gîtionaga kûrîa kîthiîte. Nwatî nînaamenyire atî mûthiia wa andû acio wa oîrî nî gîkuû.

Mûvunjia 2:16

Nîûndû gûtirî mûndû ûririkanaga mûndû mûûgî kana kîrimû. Vuvarî tuonthe mûndû mûûgî wana kîrimû nîtûgaakua na tûriganîre.

Mûvunjia 3:19

Mûrigîrîrio wa mûndû na wa nyamû nî ûmwe. Wa ûrîa andû makucaga nwaguo nyamû ikucaga. Andû wana nyamû mavevaga rîera ûndû ûmwe na mûndû tî mwaro gûkîra nyamû, nîûndû kûrî andû wana nyamû ûtûûro nî wa mana.

Mûvunjia 3:20

Andû wana nyamû ciaumire mûtheturî. Andû magaacoka mûtheturî wana nyamû igaacoka mûtheturî rîngî.

Mûvunjia 6:6

Kethîrwa mûndû nwa atûûre îvinda rîa mîaka ngiri igîrî na ethîrwe ndakenagîra ûtûûro wake, ke na mwana ûcio nî ûndû ûmwe nîûndû oîrî makaathiî kûndû kûmwe.

Mûvunjia 9:2

Gûtirî ngûrani ya mûndû mûthingu na mûndû mwaganu, mûndû mwaro na mûndû mûcûku, mûndû mûtheru na ûtarî mûtheru, arîa marutaga matega na arîa matarutaga, nîûndû mûrigîrîrio wao onthe nî ûmwe. Gûtirî ngûrani ya mûndû mwaro na mwîvia, na gûtirî ngûrani ya mûndû ûrîa wîvîtaga na ûrîa ûtevîtaga.

Mûvunjia 9:3

Ûyû nî ûndû mûcûku mûno gatagatî ka marîa monthe mekîkaga gûkû nthî atî, mûrigîrîrio wa andû onthe nî ûmwe. Andû methagîrwa mecûrîtwe nî maûndû macûku na ûgûrûki na mûthiiarî magakua.

Mûvunjia 9:5

Andû arîa marî mwoyo nîmaicî atî nîmagaakua. Nwatî andû arîa akuû gûtirî ûndû maicî. Gûtirî kîveo makaavewa na matikaaririkanwa.

Isaia 47:7

Weîrire atî nîûtûûra wî mûndûmûka mûthamaki tene na tene, na ndweciria maûndû mama ngororî yaku, kana wîciria ûrîa gûgekara mûthiiarî.

Jeremia 16:8

“Ndûkathiî mûciî kûrîa kûrî na kîrugo nîguo mûnyunyanîre na ene mûciî ûcio.”

Hagai 1:5

Rîu Ngai-Mûnene mwene vinya wonthe arauga atîrî, “Îîcirieni kana mwîthîrîtwe mûgîka waro.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Ndari 23:10

Njiarwa cia Isiraeli ciîngîvîte ta rûkûngû, nî eengî mûno ûndû matangîtarîka. Tiga nthirie mîthenya yakwa ta ûmwe wa andû a Ngai. Tiga ngue na thayû ta mûndû mûthingu.”

Mathaayo 5:4

Kûrathimwa nî arîa marî na kîeva; nîûndû nîmakaaûmîrîrua!

Gûco 32:29

Kethîrwa maarî na ûûgî nîmaangîamenyire kîrîa gîatûmire mavootwe, nîmangîamenyire ûrîa makaarîkîrîria.

Gûco 32:46

nîwamerire atîrî, “Menyererani mwathîkagîre ciugo irîa namwatha ûmûnthî na mûciîrage ciana cienyu nîguo ivingagie na kinyi ûrîa mawatho mama monthe maugîte irî na wîvokeku.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.