Mûvunjia 7:16 - ÎVUKU RÎA ÛVORO MWARO

¹⁶ Kwoguo ndûgatuîke mûthingu mûno na ndûgetue mûûgî mûno. Ûrenda gwîcûkangia nîkî?

Mûvunjia 7:16 ပူးပေါင်းရင်းမြစ်များ

Kîam 3:6

Nake mûndûmûka nîwonire ûrîa mûtî ûcio warî mûthaka na ûrîa matunda maguo maarî maro ma kûrîwa, na atî warî wa kwîrirîrua nîûndû wa kûva mûndû ûgî. Kwoguo nîwatuire matunda ma mûtî ûcio akîrîa. Nîwacokire akîva mûthuuriwe mamwe, wa nake akîrîa.

Ayubu 11:12

“Kethîrwa nyûmbû nwa îciare mûndû, wana mûndû mûritu nwa ataûkîrwe.

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Nthi 23:4

Ndûkenogie ûgîcaria ûtonga, gîa na ûûgî na ûtige kwîthînia.

Nthi 25:16

Ûngîona ûûkî, rîa ûrîa ûkwîganîte, ûngîrîa ûkî mwîngî mûno nwa ûtûme ûtavîka.

Mûvunjia 12:12

Mûvîcîwa, kûrî na ûndû wîngî wagîrîrwe nî kûmenya. Kwandîka nthimo tî wîra ûngîthira, kwandîka gûtirî mûthiia na kûthoma kwîngî nîkûnogagia mûndû.

Mathaayo 23:29

“Na kaî mue arimû a Watho na Afarisai mûrî na thîna-î! Mue mvinga ino! Nîmûtumaga mbîrîra mbaro cia arathi na mûkagemia mbîrîra cia andû arîa maarî athingu.

Mathaayo 23:38

Kwoguo hekarû yaku nîgaatiganîrua na îkare îrî ntheri.

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Mathaayo 9:14

Nao arutwa a Johana Mûvatithania nîmaacokire makîthiî kûrî Jesû na makîmûûria atîrî, “Nîndûî gîtûmaga tue na Afarisai twînyerekia na arutwa aku matiînyerekagia?”

Luka 18:12

Nîînyerekagia maita maîrî wa kiumia na vingo cionthe ngaruta gîcunjî gîa îkûmi gîa kîrîa kîonthe nathûkûma.’

Aroma 10:2

Nie nîrî mûira wao atî methagîrwa marî na kîîo kînene mûno wîrarî wa Ngai, nwatî matiîthagîrwa marî na ûmenyo.

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

1Akor 3:18

Mûndû wana ûrîkû ndakeveenie. Ethîrwa nîkûrî na mûndû wana ûmwe gatagatîrî kenyu wîciragia atî ke nî mûûgî arî gûkû nthî îno, nîwagîrîrwe nîgwîtua kîrimû nîguo atuîke mûûgî na ma.

1Akor 3:20

Wana gîcunjîrî kîngî Kîam mandîko matheru nîkwandîkîtwe atîrî, “Mwathani nîaicî atî meciria ma andû arîa aûgî nî ma mana.”

Afil 3:6

Nînaagîre na kîîo kîngî mûno gîa kûnyarira kanitha wa Kristû. Maûndûrî megiî ûthingu nîûndû wa kwathîkîra watho, ndiarî na ûcuke.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

Akol 2:23

Mawatho mau monanagia ta marî na ûûgî nîûndû wa mîvoere îrîa maringagîrîria andû kûvoya nayo, wînyivia wa maveeni na kûverithia mwîrî. Nwatî matitethagia kûgirîrîria merirîria macûku ma mwîrî.

1Tim 4:3

Andû acio mathomithanagia atî nî naaî kûvikania na nî naaî kûrîa irio cia mîthemba îmwe na îmwe. Nwatî Ngai aaûmbire irio cionthe irî mbaro nîguo irîcagwe vuva wa gûcokia ngatho kûrî Ngai. Ciagîrîrwe nî kûrîwa nî etîkia arîa mamenyete ûvoro wa ma.

Kûguû 18:19

Nao nîmaaminjîrie ciongo ciao rûkûngû, na nîmaarîrire marî na kîeva makiugaga atîrî, “Uui, Uui! Îtûûra rîrîa rînene kûrîa andû onthe arîa marî meri maatongerete! Na kavinda ka îthaa rîmwe nîrîaûrwa nî indo cionthe!”