Mûvunjia 6:3 - ÎVUKU RÎA ÛVORO MWARO

³ Mûndû angîciara ciana îgana rîmwe na atûûre mîaka mîngî, nwatî arege gwîkenia na indo mbaro ûtûûrorî kana arege kûthikwa, nie nîmbuga atî mwana ûrîa ûciarîtwe arî kîvuno nî mwaro gûkîra mûndû ûcio.

Mûvunjia 6:3 ပူးပေါင်းရင်းမြစ်များ

Kîam 33:5

Rîrîa Esaû aatiirire metho na akîona aka na ciana, nîwaûririe atîrî, “Nî arîkû aya mûrî nao?” Jakovu nîwamûcokerie atîrî, “Mwathi wakwa! Ino nî ciana irîa Ngai andathimîte nacio.”

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

2Atha 10:1

Ahabu aarî na anake mîrongo mûgwanja (70) arîa maatûûraga Samaria. Kwoguo Jehu nîwandîkire maarûa na agîitûma kûrî atongoria a îtûûra rînene rîa Samaria, kûrî atongoria a mîvîrîga, na kûrî andû arîa maamenyagîrîra anake a Ahabu. Maarûa îo yandîkîtwe atîrî,

2Atha 9:35

Nwatî arûme arîa maathiîre kûmûthika matiethîra mwîrî wake wonthe tiga îvîndî rîake rîa kîongo, mavîndî ma magûrû na ma njara.

1Maû 28:5

Ngai-Mûnene nîwamvere anake eengî na gatagatîrî kao onthe nîwathuurire Solomoni ekarîre gîtî Kîam ûthamaki wa Ngai-Mûnene nîguo athamakîre Isiraeli.

2Maû 11:21

Rehoboamu nîwendeete mûka Maaka mwarî wa Abusalomu mûno gûkîra aka ake acio engî vamwe na arîa aaigîte. Aka onthe a Rehoboamu maarî îkûmi na anana (18) na aka mîrongo îtandatû (60) a kwiga. Aarî na anake mîrongo îîrî na anana (28) na erîtu mîrongo îtandatû (60).

Esita 5:11

Hamani nîwamataarîrie arî na mwîtîîo ûvoro wa ûtonga wake, mwîgana wa ciana ciake wana ûrîa aaveetwe ngathî nene nî mûthamaki kûrî anene arîa engî wana gûkîra ndungata cia mûthamaki.

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Ayubu 3:11

“Naregire gûkuîra îvurî rîa nyanya nîkî, kana ngue ngîciarwa?

Ayubu 3:16

Wana nîkava nîngîavunirwe, îni, ngathikwa nîrî kîmonje.

Thaburi 58:8

Marorarûka ta marumbo marîa mararûkaga magatuîka rûrenda; kana mekare ta kaana kavunîtwe karîa gatonaga ûtheri.

Nthi 17:6

Andû arîa akûrû nî makenaga rîrîa makwona ciana cia ciana ciao, wata ûrîa ciana ikenaga ikîona aciari a cio.

Mûvunjia 4:3

Nwatî arîa marî na mûnyaka gûkîra arîa akuû na arîa marî mwoyo nî arîa mataanaciarwa na matarî mona maûndû macûku marîa mekagwa gûkû nthî.

Mûvunjia 6:4

Mwana ûcio mûkuû ndarî vata wana aciarwa. Ke aûragîra ndumarî akariganîra.

Jeremia 22:19

Ke akathikwa ta mvunda, agakururua na aikue nja ya mîîrîga ya Jerusalemu.”

Jeremia 36:30

Kwoguo nie Ngai-Mûnene nîrauga îgûrû rîgiî Jehoiakimu mûthamaki wa Juda atî, gûtirî mûndû wa rûciaro rwake ûgekarîra gîtî Kîam Daudi Kîam ûthamaki. Kimba gîake nîgîgaikua nja nîguo kîvîe nî riûa mûthenya na ûtukû kîvîvue nî mvevo.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”