Mûvunjia 6:2 - ÎVUKU RÎA ÛVORO MWARO

² Ngai avecaga andû ûtonga, indo, gîtîîo na nîguo ndagature kîndû wa kîonthe kîrîa eriragîria. Nwatî Ngai ndetîkagîria mûndû akenerere indo icio. Vandû va ûguo indo icio vamwe na ûtonga irîcagwa nî mûndû wîngî. Ûcio nî wîra wa mana na nî mûcûku mûno.

Mûvunjia 6:2 ပူးပေါင်းရင်းမြစ်များ

1Atha 3:13

Nîngûva wana kîrîa ûtanavoya. Nîngûkûva ûtonga na gîtîîo ûtûûrorî waku wonthe, na gûtikethîrwa kûrî na mûthamaki wîngî tawe.

1Maû 29:25

Ngai-Mûnene nîwatûmire Solomoni avewa gîtîîo mûno nî andû onthe a Isiraeli, na agîtûma agîa ngumo mûno gûkîra athamaki arîa maarî mbere yake vûrûrirî wa Isiraeli.

1Maû 29:28

Daudi aakwire arî mûthuuri mûkûrû, warî na ûtonga mwîngî na gîtîîo. Mûvîcî Solomoni nîwatuîkire mûthamaki vuva wake.

2Maû 1:11

Nake Ngai nîwacokerie Solomoni atîrî, “Nîwathuura ûndû ûrîa wagîrîrîte, nîûndû ndûnetie indo, ûtonga, gîtîîo, mîoyo ya nthû ciaku, kana ûria gûtûûra mîaka mîîngî nwatî, wetia ûûgî na ûmenyo nîguo ûvotage kwatha andû arîa nîragûtwire mûthamaki wao.

Thaburi 17:14

mvonokia na vinya waku we Ngai-Mûnene, kuuma kûrî andû arîa marî na indo cionthe irîa mendaga. Maverithie na îvera rîrîa ûmaigîrîte, ciana ciao irokinyîrwa nî îvera rîu, na rîkinyîre ciana cia ciana ciao!

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 73:7

Ngoro ciao itherûkaga waganu, na meciria mao mavangaga maûndû ma waganu.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Mûvunjia 4:8

Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Mûvunjia 5:13

Kûrî na ûndû wîngî mûcûku mûno menyete gûkû nthî: Mûndû ûmwe nîweigîre ûtonga nginya ûgîtuîka thîna kûrî ke.

Mûvunjia 5:16

Kûrî ûndû wîngî mûcûku mûno. Mûndû agaacoka wa ûrîa aaûkire. Mûndû arutaga wîra na vinya agîcaria indo, nwatî kûu nîta kûvinyûrania na rûkûngi.

Mûvunjia 5:18

Ûndû ûrîa monete ûrî mwagîrîru na mwaro wa gwîka, nî kûrîa na kûnyua na gwîkenia na indo cionthe irîa mûndû arutîrîte wîra kavinda kanini karîa mûndû agûtûûra gûkû nthî, nîûndû ûguo nîguo Ngai aamûvangîre.

Mûvunjia 5:19

Mûndû angîvewa ûtonga na indo nyîngî nî Ngai na agîe na ûvoti wa gwîkenia nacio, nî agîrîrwe nî gûcokia ngatho na akenerere indo irîa arutîrîte wîra. Kîu nî kîveo kuuma kûrî Ngai.

Isaia 55:2

Nîndûî gîtûmaga mûtûmîre mbeca na kîndû gîtangîvaithia mûndû? Nîndûî gîtûmaga mûrutîre wîra kîndû gîtangîvaithia mûndû? Nthikîrîriani na kinyi na mûrîcage kîndû kîrîa Kîamro, na mwîkenagie na indo irîa noru.

Maca 5:2

Vûrûri wetû nîwocetwe nî ageni, mîciî yetû îtûûrîtwe nî andû engî.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Hosea 7:9

Ageni nîmamûthirîtie vinya, na ke mwene ndaicî. Kîongo gîake kîonthe gîcûrîte mbuî, na ke mwene ndaramenya.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Gûco 28:43

“Ageni arîa matûûraga vûrûrirî wenyu nîmakaathiî na mbere kûgîa na vinya kûmûkîra, namue nîmûkaathiî na mbere kûthirwa nî vinya.

Atir 18:10

Mwakinya kuo nîmûkwîthîra andû mekarîte matarî na thîna na gûtarî na ûndû maretigîra. Nî vûrûri mûnene, ûrî na indo cionthe na Ngai nîamûvete guo.”