Mûvunjia 5:8 - ÎVUKU RÎA ÛVORO MWARO

⁸ Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Mûvunjia 5:8 ပူးပေါင်းရင်းမြစ်များ

2Maû 26:10

Wana nîwatumire nyomba ndaca werûrî na akînja iriko nyîngî cia manjî kuo nîûndû aarî na ndîthia nyîngî kûu Shefela na kûndû kûrîa kwarî kwaraganu. Aarî na andû maarutaga wîra mîgûndarî ya mîthavibu irîmarî na kûndû kûrîa kwarî kûnoru nîûndû nîwendeete kûrîma mûno.

Ayubu 24:23

Atûmaga arîa aganu mone marî agitîre, nwatî ekaraga aroretie mîthiîre yao.

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 55:9

We Mwathani, cûkangia mîario ya nthû ciakwa! Nînîrona waganu na ngucanio îtûûrarî.

Thaburi 82:1

Ngai ekarîrîte gîtî gîake mûcemaniorî wa îgûrû; nî aratuîra ngai ciira igomanîte vamwe:

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Thaburi 95:3

Nîûndû Ngai-Mûnene, nî Ngai mûnene, na nî mûthamaki mûnene gûkîra ngai cionthe.

Nthi 22:16

Mûndû ûrîa ûvinyagîrîria mûthîni nîguo ongerere ûtonga wake kana akava itonga, ke mwene arîkagîrîria na kûthîna.

Nthi 24:12

Ethîrwa nwa uge atîrî, “Nie ndiîcî ûvoro ûyû,” Ngai-Mûnene ûrîa ûmenyaga ngoro cia andû nîonaga, nîakaarîva mûndû kûringana na wîra wake.

Nthi 8:17

Nîmendete arîa mamendete, na arîa manjaragia na kinyi nîmamonaga.

Mûvunjia 3:16

Ûndû wîngî naamenyire gûkû nthî nî atî kûrîa kwagîrîrwe kwîthîrwa na kîvooto na ûûma kwîthagîrwa na maûndû macûku.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Mûvunjia 5:9

Kûnarî ûguo rîrîa mûthamaki arûmbûyania na maûndû ma ûrîmi, andû onthe nîmagunîkaga.

Mûvunjia 7:7

Kûvinyanîrîria gûtûmaga mûndû mûûgî atuîka kîrimû, kûvakana gûtûmaga meciria macûke.

Mûvunjia 8:9

Nînonire maûndû mau monthe rîrîa neciragia îgûrû rîgiî maûndû monthe marîa mekagwa gûkû nthî. Andû amwe methagîrwa marî na ûvoti na engî mavinyagîrîrua marî rungu rwao.

Isaia 10:12

Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.

Isaia 3:15

Mwîciragia atîa rîrîa mûkûvinyîrîria andû akwa na mûkanyarira athîni?” Ûguo nîguo nie, Mwathani Ngai mwene vinya wonthe, nîraûria.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Ezek 18:18

Ûvoro wîgiî îthe, ke nîwavinyanagîrîria, nîwacunire mûrwang'ina kîndû, na nîwekire andû ao maûndû mataarî maro, kwoguo îthe nîagaakua nîûndû wa mevia make marîa ekire.

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Amosi 6:12

Mbarathi nîivinyûragîra mathigarî? Andû nîmarîmaga îriarî na ndegwa? Nwatî mûgarûrîte kîvooto gîgatuîka ûrogi, na ûthingu ûgatuîka ûrûrû.

Mika 2:9

Mûvinyûragia aka a andû akwa, kuuma nyombarî ciao irîa mbaro, na nîmûgirîtie ciana ciao ikinyîrwa nî irathimo ciakwa tene na tene.

Zakaria 8:6

“Ûndû ûyû nwa woneke ûrî mûrito ta ûtangîvoteka methorî ma andû arîa matigarîte, nwatî kûrî nie Ngai-Mûnene mwene vinya wonthe tî ûndû mûnene.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Luka 1:32

Nake nîagaatuîka mûndû mûnene na nîagetagwa Mûrû wa Ûrîa ûrî Îgûrû Mûno. Mwathani Ngai nîakaamûtua mûthamaki wata Daudi, îthe wake wa tene.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 1:76

“Nawe mwana ûyû wakwa ûgeetagwa mûrathi wa Ngai Ûrîa Ûrî Îgûrû Mûno. Nîûkaathiî mbere ya Mwathani, kûmûthondekera njîra ciake.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

1Pet 4:12

Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.

1Joh 3:13

Ariû na aarî a îthe wetû, mûtikamake andû a gûkû nthî mangîmûmena.