Mûvunjia 4:12 - ÎVUKU RÎA ÛVORO MWARO

¹² Mûndû arî wenga nwa avootwe nî nthû, nwatî marî aîrî nîmetiragîria nthû. Mûkanda wa ndigi ithatû ndûtuîkaga na îvenya.

Mûvunjia 4:12 ပူးပေါင်းရင်းမြစ်များ

2Sam 23:16

Andû acio athatû maarî îgweta nîmaavîtûkanîrie kûrîa Afilisiti maatûûraga, magîtava manjî kuuma kîthimarî, na makîvirîra Daudi. Nwatî Daudi ndaanyua manjî mau. Vandû va ûguo, aameetûrûrire nthî rîrî îtega kûrî Ngai-Mûnene

2Sam 23:23

Nîke warî na îgweta mûno gatagatîrî ka njamba icio mîrongo îthatû, nwatî njamba irîa ithatû cia mbere ciarî na îgweta kûmûkîra. Nake Daudi nîwamûtuire mûnene wa athigari arîa maamûrangagîra.

2Sam 23:9

Mûndû wa kaîrî gatagatîrî ka andû arîa maarî îgweta aarî Eleazaru mûvîcî wa Dodo. Eleazaru aarî wa mbarî ya Ahohi. Vîndî îmwe Eleazaru marî na Daudi nîmaaruire na Afilisiti arîa maaûnganîte nîguo marue na Aisiraeli. Aisiraeli nîmeetigîre na makîûra,

Mûvunjia 4:11

Andû aîrî mamamîte vamwe nî mekanagîra ûrugarî, nwatî mûndû arî wenga angîgîa ûrugarî atîa?

Mûvunjia 4:13

Kava mwanake mûthîni na mûûgî gûkîra mûthamaki mûndû mûkûrû arî kîrimû na ndathikagîrîria mataaro,

Aefeso 4:3

Geragiani na kîîo mûno gûtûûra mûrî na ûrûmwe ûrîa ûretagwa nî Roho na njîra ya thayû ûrîa ûmûnyitithanîtie vamwe.