Mûvunjia 4:1 - ÎVUKU RÎA ÛVORO MWARO

¹ Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Mûvunjia 4:1 ပူးပေါင်းရင်းမြစ်များ

Ayubu 16:4

Wa nanie nîngîrî kwaria ta mue, kethîrwa mûregua ûrîa nîregua. Nîngîtungîte ciugo cia kûmûrakaria, nginainagia kîongo nîûndû wenyu.

Ayubu 35:9

“Rîrîa andû mavinyîrîrua mûno nîmarîraga, nîmetagia ûtethio nîûndû wa kûvinyîrîrua nî arîa marî vinya,

Ayubu 6:29

Garûrûkani, mûtige kûmbîka naaî. Garûrûkani, nie ndirî ûndû mûcûku mbîkîte.

Ayubu 9:24

Andû arîa aganu nîo Ngai aaveere nthî, nîwatuire andû arîa macirithanagia ndumumu. Ethîrwa tî Ngai wîkîte ûguo, nû?

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 142:4

Ndoragia mwena wakwa wa ûrîo mone, nwatî gûtirî mûndû ûtindanagîra nanie, ndirî na vandû va kûûrîra. Gûtirî mûndû ûrûmbûyanagia nanie.

Thaburi 142:5

We Ngai-Mûnene nîwe ngayagîra, mbugaga atîrî, “We nîwe mûgitîri wakwa, nîwe îgai rîakwa vûrûrirî wa arîa marî mwoyo.

Thaburi 42:3

Methori makwa nîmo matuîkîte irio ciakwa ûtukû na mûthenya, vîndî cionthe nthû ciakwa imbûragia atîrî, “Ngai waku arî kû?”

Thaburi 42:9

Nîmbîra Ngai, mûgitîri wakwa atîrî, “Nîkwa ûriganîrîtwe nînie nîkî? Nîrathiî na mbere kûthînîka nîkî nîûndû wa kûvinyîrîrua nî nthû ciakwa?”

Thaburi 69:20

Icambio nîimbûragîte ngoro, na nînthirîte vinya. Njarîtie wa kûmbîguîra ntha, nwatî nîmûturu; njarîtie mûndû ûngînyûmîrîria, nwatî ndimûmwonu.

Thaburi 69:21

Nîmaamveee irio irî na ûrogi, na rîrîa naarî mûnyondu nîmaangundirie ndivei îno ngagatu.

Thaburi 80:5

Nîûtûmîte kîeva gîtuîka irio cietû, na ûgatûva methori matuîka kîndû gîa kûnyua.

Ntha 1:16

Nîwamerire atîrî, “Vîndî îrîa mûgûtethia aka Ahibirania gûciara ûragagani kaana ethîrwa nî kavîcî, nwatî ethîrwa nî kerîtu mûkareka gatûûre.”

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Nthi 19:7

Mûthîni nîathûrîtwe nginya nî andû ao, wana arata ake matiendaga kwîthîrwa vakuvî nake. Ageragia kwaria nao, nwatî matimûthikagîrîria.

Nthi 28:3

Mûtongoria ûrîa ûvinyagîrîria mûthîni, ekariî ta mbura îrîa yuraga îgatiga yacûkangia irio irî mîgûndarî.

Nthi 29:2

Rîrîa andû arîa athingu marathana, andû nî makenaga, nwatî rîrîa andû arîa aganu marathana, andû nîmacaaga.

Mûvunjia 3:16

Ûndû wîngî naamenyire gûkû nthî nî atî kûrîa kwagîrîrwe kwîthîrwa na kîvooto na ûûma kwîthagîrwa na maûndû macûku.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Mûvunjia 7:7

Kûvinyanîrîria gûtûmaga mûndû mûûgî atuîka kîrimû, kûvakana gûtûmaga meciria macûke.

Mûvunjia 8:9

Nînonire maûndû mau monthe rîrîa neciragia îgûrû rîgiî maûndû monthe marîa mekagwa gûkû nthî. Andû amwe methagîrwa marî na ûvoti na engî mavinyagîrîrua marî rungu rwao.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Isaia 51:23

Nîngaacoka nengere gîkombe kîu andû arîa makûnyariraga, arîa maakwîrire atî, ‘Mama nthî nîguo tûvîtûkîrîre îgûrû rîaku;’ arîa maatwire mûkurukuthu waku ta nthî, na magîûtua ta njîra na makavîtûkagîrîra îgûrû.”

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Jeremia 16:7

Gûtirî mûndû ûkaarîcanîra kana anyunyanîra na mûndû wa wonthe ûkuîrîrîtwe, nîguo amûmîrîrie. Wana gûtirî mûndû wana ûrîkû ûkaaringwa nî ntha nîûndû wa mûndû ûrîa ûkuîrîrîtwe nî îthe kana ng'ina.

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 1:17

Zayuni îtambarûkîtie njara nwatî gûtirî mûndû wa kûmûvoreria, Ngai-Mûnene athîte nthû itharîkîre Jakovu na mîena yonthe. Jerusalemu îtuîkîte ta gîko kûrî o.

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Amosi 3:10

Ngai-Mûnene arauga atîrî, “Maigaga indo irîa maîîte na macunanîte na vinya nyombarî ciao. Kwoguo matimenyaga gwîka maûndû marîa magîrîru.

Amosi 3:9

Anîrîrani mûrî nyombarî cia athamaki irîa irî Ashidodi wana mwanîrîre mûrî nyombarî cia anene îgûrû mûrî Misiri muge atîrî, “Gomanani irîmarî cia Samaria na mwone kîthigithigi kîrîa kîrî kuo, wana ûvinyanîrîria ûrîa ûrî kuo.”

Malaki 2:13

Îgûrû rîa maûndû mau monthe, nîmûconjoretie metha ya kîgongoona ya Ngai-Mûnene na methori, mûkîrîra mûgîcaaga nîûndû ndatindanagîra na magongoona menyu, kana amamûkîra.

Malaki 3:18

Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Atir 4:3

Jabini aarî na ikaari magana kenda cia mbaara cia cuuma na nîwavinyîrîrie andû a Isiraeli îvinda rîa mîaka mîrongo îrî. Nao Aisiraeli nîmaakaîre Ngai-Mûnene amavonokie.