Mûvunjia 3:8 - ÎVUKU RÎA ÛVORO MWARO

⁸ Kavinda ga kwendana na kavinda ga kûmenana, kavinda ka mbaara na kavinda ka thayû.

Mûvunjia 3:8 ပူးပေါင်းရင်းမြစ်များ

1Atha 5:4

Nwatî Ngai-Mûnene, Ngai wakwa nîatwîguithanîtie na andû onthe arîa tûvakanîte nao. Ndirî na nthû na ndirî na thîna wana ûrîkû.

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

Thaburi 101:3

na ndigeetîkîria ûndû mûcûku wîkwe mbere yakwa. Nînthûrîte ciîko cia andû arîa matarî evokeku, ndikaagwatanîra nao.

Thaburi 105:25

Nîwatûmire andû a Misiri mamene andû ake, andû a Misiri makîveenereria andû a Ngai-Mûnene.

Thaburi 139:21

We Ngai-Mûnene, nie nîmenete arîa makûmenete, na nganyarara arîa mareganaga nawe.

Nthi 13:5

Andû arîa athingu nîmathûrîte maveeni, nwatî andû arîa aganu mekaga maûndû ma nthoni na gîconoko.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Luka 14:26

“Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.

Aefeso 3:19

Mûromenya wendo wa Kristû wana gûtuîka ndûngîmenyeka viû nîguo mûgîe na wîcûru wa Ngai.

Aefeso 5:25

Namue athuuri, endagani aka enyu wata ûrîa Kristû eendire kanitha na akîîruta nîûndû waguo.

Tito 2:4

nîguo mathomithie aka arîa ethî kwenda athuuri ao na ciana ciao.

Josh 11:23

Kwoguo Joshua nîwanyitire vûrûri wonthe kûringana na ûrîa Ngai-Mûnene aathîte Musa. Nake Joshua nîwavere andû a Isiraeli vûrûri ûcio ûtuîke wao na nîwaûgaanirie icunjî kûringana na mîvîrîga ya andû a Isiraeli. Nao andû a Isiraeli magîtiga kûrûa.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.