Mûvunjia 3:7 - ÎVUKU RÎA ÛVORO MWARO

⁷ Kavinda ga gûtembûranga na kavinda ka gûtuma, kavinda ga gûkira na kavinda ga kwaria.

Mûvunjia 3:7 ပူးပေါင်းရင်းမြစ်များ

Kîam 37:29

Rîrîa Reubeni aacokire îrimarî na akîthîra Josefu atarî kuo, nîwegwire kîeva na agîtembûranga nguo ciake.

Kîam 37:34

Jakovu nîwatembûrangire nguo ciake na agîkîra nguo ya macakaya kîûnûrî. Nîwacakaîre mûvîcî mîthenya mîngî.

Kîam 44:18

Juda nîwathiîre kûrî Josefu na akîmwîra atîrî, “Mwathi wakwa, nakûthaitha ûmbîtîkîrie mbarie nawe nie ndungata yaku, na ndûkarakare nîûndû wakwa. Nîmbicî we ûrî na ûvoti ta wa mûthamaki wa Misiri ke mwene.

Kîam 44:34

Nîngîcoka atîa kûrî vava ethîrwa tîtûthiî na mwanake ûcio? Nie tînyûmîrîria kwona maûndû macûku marîa mangîûka kûrî vava.”

2Sam 1:11

Daudi na andû arîa maarî nake nîmaatembûrangire nguo ciao nîûndû wa kîeva.

2Sam 3:31

Nake Daudi nîwerire Joabu na andû ake matembûrange nguo ciao, mekîre nguo cia macakaya na marîrîre Abineri. Nao makîthiî kûmûthika, mûthamaki Daudi nîwaumire îthandûkû rîrîa rîekîrîtwe mwîrî wa Abineri vuva.

1Atha 21:27

Rîrîa Elija aarîkirie kwîra Ahabu ûguo, Ahabu nîwatembûrangire nguo ciake, agîkîra nguo cia macakaya na akînyerekia. Nîwamamaga ekîrîte nguo cia macakaya na akathiîcaga kûndû na kûndû arî na kîeva.

2Atha 18:36

Nwatî andû nîmaakirire ki, wata ûrîa mûthamaki Hezekia amaathîte; matiauga wanarî ûndû.

2Atha 5:7

Rîrîa mûthamaki wa Isiraeli aathomire maarûa îo, nîwatûmbirwe nî marakara na agîtembûranga nguo ciake na akiuga atîrî, “Mûthamaki wa Sîria areciria nie nî Ngai ûngîvota kûûraga mûndû na akamûriûkia, nwa nvote kûvonia mûndû ûyû mûrimû wake mûcûku wa ngothi? Roria rîu wone ûrîa arenda twambîrîrie kûnegenania nake!”

2Atha 6:30

Rîrîa mûthamaki eeguire ûrîa mûndûmûka ûcio aaugire, nîwatembûrangire nguo ciake na marûrû. Vîndî îo nîkwa aavîtûkîte arî îgûrû rîa rûthingo, nao andû nîmaaroririe na makîona ekîrîte nguo cia macakaya rungu rwa nguo ciake.

Esita 7:4

Andû akwa nî endie nîguo maûragwe mathirue. Kethîrwa nîkwa makwendua tûtuîke ngombo nie ndingîrî gûkûthînia we mûthamaki, nwatî rîu nîkwa tûrenda kûragwa tûthire viû.”

Ayubu 2:13

Nîmaacokire magîkara nake vau nthî mîthenya mûgwanja ûtukû na mûthenya. Gûtirî mûndû wanarî ûmwe wao wavotire kûmwîra wanarî ûndû, nîûndû nîmoonaga ûrîa aathînîkaga.

Thaburi 39:2

Nekariî ta mûndû ûtaicî kwaria na ndiauga ûndû, naakirire kivi nwatî ndianona ûndû mwaro! mathîna makwa nîmoongererekire makîria,

Mûvunjia 3:6

Kavinda ga gûcaria na kavinda ga gûta, kavinda ga gûcokanîrîria indo na kavinda ga gûta.

Isaia 36:21

Nwatî andû maakirire ki, na matiamûcokeria wanarî ûndû, nîûndû maathîtwe nî mûthamaki atîrî, “Mûtikamûcokerie.”

Jeremia 36:24

Kûnarî ûguo, mûthamaki kana ndungata ciake megua maûndû mau monthe, matiamaka kana matembûranga nguo ciao nî kîeva.

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Maca 3:28

Agîrîrwe nî gwîkara akirîte arî wenga, rîrîa Ngai-Mûnene atûma athînîke.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Amosi 5:13

Kwoguo, nîgûkethîrwa na mavinda macûku na nginya mûndû ûrîa mûûgî nîagaakira kivi.

Amosi 8:3

Mûthenya ûcio mûciî kwa mûthamaki gûkainwa nyîmbo cia macakaya. Gûkethîrwa na ciimba nyîngî, ikanyagarûkua kûndû kuonthe gûkirîtwe kivi.”

Mika 7:5

Ndûkevoke mûndû ûrîa wîngî, kana wîtîkie mûrata waku. Menyagîrîra ûrîa ûkwaria wana ethîrwa ûrarîa na mûkaguo.

Ciîko 4:20

Nîûndû tue tûtingîtiga kwaria ûvoro wîgiî maûndû marîa twonete na twîguîte.”

Ciîko 9:39

Kwoguo Petero nîwaûkîrire na akîthiîcania nao. Na vîndî îrîa ke aakinyire kuo, etîkia nîmaamûvirire nyomba ya îgûrû. Nao aka a ndigwa nîmaathiûrûrûkîrie Petero makîrîraga, na makîmwonia cati na magooti marîa Dorokasi aatumîte rîrîa aarî mwoyo.

1Sam 10:16

Nake Saûlo nîwacokirie na akîîra mamawe atîrî, “Samueli nîwatwîrire cararûkû atî, mvunda ciarî moneku.” Nwatî Saûlo ndeera mamawe ûrîa Samueli aarîtie ûvoro wîgiî Saûlo gûtuîka mûthamaki.