Mûvunjia 3:3 - ÎVUKU RÎA ÛVORO MWARO

³ Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Mûvunjia 3:3 ပူးပေါင်းရင်းမြစ်များ

Kîam 9:6

Mûndû wa wonthe ûkaûraga mûndû ûrîa wîngî, wanake akaûragwa nî mûndû nîûndû Ngai aaûmbire mûndû na mûvano wake.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Jeremia 31:28

Wata ûrîa nevarîrîtie kûmakûûra, kûmomora, kûmagwîthia, kûmacûkangia na kûmaverithia, nwaguo nîîvarîrîtie kûmavanda na kûmatuma.

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Jeremia 45:4

Nwatî Ngai-Mûnene ambîrîte ngwîre atîrî, “Taroria, kîrîa ndumîte nînîromomora, na kîrîa mvandîte nînîrakûûra. Nîmbîka ûguo nthî yonthe.

Ezek 13:14

Nîngoomomora viû rûthingo rûu mwavakire rangi mûcerû, nîguo mathiga ma ruo ma mûcingi matigwe marî ûtherirî. Rûthingo rûu rwagwa, nîrûkamûraga muonthe, na andû onthe nîmakaamenya atî nie, nînie Ngai-Mûnene.

Hagai 1:2

Ngai-Mûnene mwene inya wonthe nîwerire Hagai atîrî, “Andû aya marauga atî kavinda ga gûtuma hekarû rîngî tî gakinyu.”

Hagai 1:4

“Nî vîndî yenyu ya gûtûûra nyombarî itumîtwe waro, wa rîrîa hekarû yakwa îromomoka?”

Zakaria 1:12

Nake mûraika ûcio wa Ngai-Mûnene nîwaûririe atîrî, “We Ngai-Mûnene mwene vinya wonthe wîthîrîtwe ûrakarîrîte Jerusalemu na matûûra ma Juda mîaka mîrongo mûgwanja. Nîwîkara îvinda rîgana atîa ûtakûmeguîra ntha?”

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.