Mûvunjia 3:2 - ÎVUKU RÎA ÛVORO MWARO

² Kûrî kavinda ga gûciarwa na kavinda ka gûkua, kavinda ga kûvanda na kavinda ga gûketha.

Mûvunjia 3:2 ပူးပေါင်းရင်းမြစ်များ

Kîam 17:21

Nwatî nîngavingia kîrîkanîro gîakwa na Isaka, ûrîa ûgaaciarwa nî Sara mavinda wata mama mwaka ûcio wîngî.”

Kîam 47:29

Kavinda ka Jakovu gûkua gakûvîvîria, nîwetire mûvîcî Josefu na akîmwîra atîrî, “Ethîrwa nie nîmbîtîkîrîkîte nîwe, tonyia njara ciaku gatagatî ga ciaû ciakwa na wîranîre nama atî ndûkanthika Misiri.

1Atha 13:2

Mûndû ûcio nîwarumire metha ya kîgongoona, wata ûrîa Ngai-Mûnene aamwathîte akiugaga atîrî, “We metha ya kîgongoona, metha ya kîgongoona, Ngai-Mûnene augîte atî: Taroria kavîcî nîgagaaciarwa nyombarî ya Daudi; Nako gageetwa Josia. Nako nîgagaagûtegera athînjîri-Ngai arîa marutagîra magongoona kûndû kûrîa gûtûgîru, arîa marutagîra ngai cia mîvuanano magongoona îgûrû rîaku, na nîakaavîvîria mavîndî ma andû îgûrû rîaku.”

2Atha 4:16

na Elisha nîwamwîrire atîrî, “Vîndî ta îno mwaka mûku nîûkethîrwa ûrî na kaana gaku ga kavîcî.” Nake mûndûmûka nîwaugire atîrî, “Ûûi! Naarî mwathi wakwa, mûndû wa Ngai tiga kûmveenia!”

Ayubu 14:14

Mûndû angîkua nwa ariûke? Nwatî nîmbîkara ngwetererete ngîrutaga wîra, nginya îvinda rîa kûrekererua rîkinye, rîrîa mathîna makaathira.

Ayubu 14:5

Mîthenya ya mûndû gûtûûra mwoyo nî mîtare, na nîwicî mîeri îrîa agûtûûra mwoyo; na ndangîvîtûkia îvinda rîrîa ûmwigîrîte rîa gûtûûra.

Ayubu 7:1

“Wîra wa mûndû gûkû nthî nî mûrito mûno. Mûtûûrîre wake nîta wa mûruti wîra wa kîvarûa.

Thaburi 113:9

Ngai-Mûnene nîavecaga mûndûmûka nthata mûciî; na agatûma agîe na gîkeno nîûndû wa kûmûva ciana. Kumiani Ngai-Mûnene!

Thaburi 52:5

Kwoguo Ngai nîatûûra agûcûkangagia tene na tene; nîakûnyita na akûrute gwaku mûciî; nîagaakûruta nthî ya arîa marî mwoyo.

Nthi 24:27

Mbere amba ûrute wîra waku wa nja, varîrîria mûgûnda waku ûthire, ûcoke ûtume nyomba yaku.

Isaia 28:24

Nîkwa mûndû ûrîa ûrîmaga na mûraû nîguo avande arîmaga mîthenya yonthe? Nîkwa atûûraga acimbaga akîaraganagia mûgûnda wake?

Isaia 38:1

Vîndî îo, Hezekia nîwarwarire mûno nginya agîkuvîvîria gûkua. Nake mûrathi Isaia, mûvîcî wa Amosi nîwathiîre kûrî ke na akîmwîra atîrî, “Ngai-Mûnene arauga ûvange maûndû ma nyomba yaku, nîûndû nîûgûkua tîûvona.”

Isaia 38:5

“Thiî ûkeere Hezekia, Ngai-Mûnene, Ngai wa aguo Daudi arauga atî: ‘Nîmbîguîte îvoya rîaku na nîmonete methori maku; kwoguo nîngûkwongerera mîaka îkûmi na îtano ûtûûrorî waku.

Isaia 54:1

Ngai-Mûnene arauga atîrî, Ina, we mûndûmûka nthata we ûtaanaciara, ugîrîria na wine na vinya, we ûtaanegua ruuo rwa gûciara. Nîûndû ciana cia mûndûmûka ûrîa ûtigîtwe nî nyîngî, gûkîra cia mûndûmûka ûrîa ûrî na mûrûme!

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Jeremia 45:4

Nwatî Ngai-Mûnene ambîrîte ngwîre atîrî, “Taroria, kîrîa ndumîte nînîromomora, na kîrîa mvandîte nînîrakûûra. Nîmbîka ûguo nthî yonthe.

Mathaayo 13:41

Mûrû wa Mûndû nîagaatûma araika ake makaûnganie andû onthe arîa matûmaga andû mevie na arîa aganu nîguo maume ûthamakirî wake.

Mathaayo 15:13

Nake Jesû nîwamacokerie atîrî, “Mûtî wa wonthe ûtavandîtwe nî Vava ûrîa ûrî îgûrû nîûgakûûrwa.

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Luka 1:20

Na nîûndû nîwarega gwîtîkia ûvoro ûcio nakwîra, ndûkaavotaga kwaria nginya mûthenya ûrîa maûndû mama makaavingua mavinda mamo marîa magîrîrîte makinya.”

Luka 1:36

Na rîu wana Elizabethi mûndûmûka ûrîa wa mbarî yenyu na ûrîa wîrîkanaga atî nî nthata, wa nake arî ûkûrûrî wake nîagîte îvu. Ûyû nîguo mweri wa gatandatû kuuma agîa îvu,

Johana 16:21

Rîrîa mûndûmûka ageerie kûgîa na mwana nîagîcaga na kîeva nîûndû îvinda rîake rîa kwîgua ûrûrû nîrîkinyu, nwatî agîa na mwana nîakenaga na akariganagîrûa nî ûrûrû nîûndû mwana nî mûciare gûkû nthî.

Johana 7:30

Andû amwe arîa maarî vo nîmaageririe kûmûnyita, nwatî gûtirî mûndû wana ûmwe wamûvûrûririe nîûndû îvinda rîake rîtiarî rîkinyu.

Ciîko 7:17

“Rîrîa kavinda gaakuvîvîrie ka Ngai kûvingia kîîranîro kîrîa eerîrîte Iburahimu, andû arîa maarî Misiri nîmoongererekete mûno.

Ciîko 7:20

Vîndî îo nîrîo Musa aaciarirwe. Nake aarî mûthaka mûno. Nîwarererwe mûciî kwa îthe îvindarî rîa mîeri îthatû.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,

Gûco 34:5

Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.

1Sam 2:5

Andû arîa meethagîrwa marî na irio nyîngî, rîu nîkwa marutaga wîra nîguo moone irio. Nwatî andû arîa meethagîrwa marî avûtu, rîu marî na irio. Mûndûmûka ûrîa warî nthata, rîu nîmûciaru ciana mûgwanja. Nwatî mûndûmûka ûrîa ûrî na ciana nyîngî, rîu atigîtwe atarî na mwana wana ûmwe.