Mûvunjia 2:16 - ÎVUKU RÎA ÛVORO MWARO

¹⁶ Nîûndû gûtirî mûndû ûririkanaga mûndû mûûgî kana kîrimû. Vuvarî tuonthe mûndû mûûgî wana kîrimû nîtûgaakua na tûriganîre.

Mûvunjia 2:16 ပူးပေါင်းရင်းမြစ်များ

2Sam 3:33

Daudi nîwacakaîre Abineri na akîmwinîra rwîmbo rûrû: “Nîndûî gîatûmire Abineri akue ta kîrimû?

Thaburi 103:16

rûkûngi rûcokaga rûkamavuruta makathira, na gûtirî mûndû ûcokaga kûmona rîngî.

Thaburi 49:10

Mûndû wa wonthe nîaicî atî wana andû arîa aûgî nî makucaga, mûndû mûritu wana kîrimû nîmakucaga. Onthe matigagîra andû arîa engî ûtonga wao.

Thaburi 88:12

Ciama ciaku nî cionekaga kûrîa kûrî nduma, kana wega waku ûmenyekane kûrî arîa ûriganîrîtwe nî o?

Ntha 1:6

Vuvarî Josefu na a mûrwang'ina na andû arîa onthe maaumire nao Misiri nîmaakuire.

Ntha 1:8

Nakuo nîgwacokire gûkîgîa na mûthamaki wîngî wa kwathana Misiri. Mûthamaki ûcio ndaicî Josefu.

Nthi 14:8

Mûndû mûûgî nîamenyaga ûrîa angîka, nwatî kîrimû kîîvenagia na ngoro atî nîgîcî.

Mûvunjia 1:11

Gûtirî mûndû ûririkanaga maûndû marîa meekîkire tene, kana ûkaaririkana maûndû marîa mageekîka vuvarî.

Mûvunjia 2:14

Mûndû mûûgî nî onaga kûrîa athiîte, nakîo kîrimû gîtionaga kûrîa kîthiîte. Nwatî nînaamenyire atî mûthiia wa andû acio wa oîrî nî gîkuû.

Mûvunjia 2:15

Nînaacokire ngîîra na ngoro atîrî, “Wa ûguo kîrimû gîgaakua, nwaguo wananie ngaakua. Kwoguo ûûgî ûcio wakwa wandethia na ndûî?” Nînaacokire ngîmenya atî ûûgî ûcio nî wa mana.

Mûvunjia 6:8

Mûndû ûrîa mûûgî akîrîte kîrimû na ndûî? Mûndû ûrîa mûthîni agîcaga na umithio ûrîkû rîrîa amenya ûrîa angîiga mûtûûrîrerî?

Mûvunjia 7:2

Nî kava kûthiî kûrîa andû maracakaya gûkîra kûthiî kîrugorî, nîûndû mûthiiarî andû arîa marî mwoyo nîmagîrîrwe nî kûmenya atî tuonthe nîtûgaakua.

Mûvunjia 8:10

Nînacokire ngîona andû arîa aganu makîthikwa. Nao nîmaatonyaga na makauma vandû varîa vatheru, na nîmaakumagua matûûrarî marîa meekaga maûndû ma waganu. Ûcio wanaguo nî wîra wa mana.

Mûvunjia 9:15

Gatûûrarî kau kwarî na mûndûmûrûme ûmwe mûûgî na warî mûthîni na watûmire gatûûra kau kavonoke na njîra ya ûûgî wake. Nwatî gûtirî mûndû wacokire kûririkana mûndû ûcio mûthîni.

Mûvunjia 9:5

Andû arîa marî mwoyo nîmaicî atî nîmagaakua. Nwatî andû arîa akuû gûtirî ûndû maicî. Gûtirî kîveo makaavewa na matikaaririkanwa.

Malaki 3:16

Nao arîa magocaga Ngai-Mûnene nîmaranîrie o ene, nake Ngai-Mûnene akîgua ûrîa maaragia. Narîo îvuku nîrîaigirwe mbere ya Ngai-Mûnene rîandîkîtwe marîîtwa ma arîa mamûgoocaga na mamwathîkagîra.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.