Mûvunjia 2:1 - ÎVUKU RÎA ÛVORO MWARO

¹ Nîneîrire na ngoro atî nîngwîkenia nîguo menye gîkeno nîndûî. Nwatî nînaamenyire atî wana ûcio nî ûndû wa mana.

Mûvunjia 2:1 ပူးပေါင်းရင်းမြစ်များ

Kîam 11:7

Tiga tûnyûrûrûke nthî nîguo tûmavîngîcanîrie rûthiomi rwao, nîguo matikeguithanagie mîariorî.”

2Atha 5:5

Nake mûthamaki wa Sîria nîwerire Namani atîrî, “Thiî wa rîu kûrî mûthamaki wa Isiraeli na ûmûvirîre maarûa îno.” Kwoguo Naamani nîwaumire kûu na akîthiî na tûcunjî ngiri mîrongo îthatû (30,000) twa sîlûva, tûcunjî ngiri ithathatû (6,000) twa thaavu, na nguo cia gûcenjia maita îkûmi.

Thaburi 10:6

Meîraga na ngoro atîrî, “Ndingîenyenya, ndikona thîna ûtûûrorî wakwa wonthe.”

Thaburi 14:1

Irimû ciîîraga na ngoro atîrî, “Gûtirî Ngai!” Onthe marî mîtugo mîcûku, na nîmekîte maûndû macûku mûno, gûtirî wanarî ûmwe wîkaga ûndû mwagîrîru.

Thaburi 27:8

Rîrîa waugire atîrî, “Ûka ûngooce,” nînaacokirie atîrî, “Nîngûka, Ngai-Mûnene;

Nthi 14:13

Mîtheko nîîthithaga kîeva ngororî, nwatî rîrîa gîkeno Kîamthira kîeva nî gîtigagwa.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 2:10

Nînaagîre na kîndû wa kîonthe kîrîa nendaga, na nînageririe mîthemba yonthe ya ikeno. Nînetîîagîra mawîra monthe marîa narutire, na ûcio nîguo warî mûcara wa wîra wakwa.

Mûvunjia 2:15

Nînaacokire ngîîra na ngoro atîrî, “Wa ûguo kîrimû gîgaakua, nwaguo wananie ngaakua. Kwoguo ûûgî ûcio wakwa wandethia na ndûî?” Nînaacokire ngîmenya atî ûûgî ûcio nî wa mana.

Mûvunjia 2:25

Nîûndû gûtirî kîndû ûngîrîa kana ûkenerere ûtavetwe nî Ngai.

Mûvunjia 7:4

Mûndû ûrîa mûûgî eciragia ûvoro wa arîa maracakaya, nwatî mûndû ûrîa kîrimû eciragia ûrîa angîîkenia.

Mûvunjia 8:15

Kwoguo mbîtîkîtie atî andû nîmagîrîrwe nî gwîkenia, nîûndû gûkû nthî gûtirî ûndû mwaro ûkîrîte kûrîa, kûnyua na gwîkenia. Mau nîmo maûndû marîa mûndû agîrîrwe nî gwîka rîrîa akûruta wîra gûkû nthî gwa kavinda karîa Ngai amûveete ga gûtûûra mwoyo.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Isaia 50:11

Nwatî mue mwakagia mwaki, mue mûkanagîrîra na icinga icio cienyu. Thiîcagîrîrani ûtherirî wa mwaki ûcio, nînîmbîrî cia mwaki ûcio mwakîtie mue ene. Kîrîa mûûkaanyita kuuma kûrî Ngai-Mûnene nî gîkî, mûkaamama nthî mûrî na mathîna meengî.

Isaia 50:5

Mwathani Ngai-Mûnene nîavingûrîte matû makwa, na ndiatuîka mûregi, kana nîmûtiganîria.

Luka 12:19

Na nîngûcoka nîîre atî nie nîrî na mûnyaka. Nîrî na indo nyîngî cia kûmbîgana mîaka mîîngî. Rîu nîmbîkara nthî nîguo ndîe na nyue ngenete!’

Luka 16:19

“Vîndî îmwe kwarî na mûndû warî mûtongu mûno na wekagîra nguo cia goro cia rangi ya njambarawe. Nake mûndû ûcio atûûraga na mîkarîre ya goro mûno mîthenya yonthe.

Luka 16:23

Rîrîa Kîamthînîkaga kîrî îcuarî, nîkîaroririe na îgûrû na gîkîona Iburahimu na Lazaro marî varaca na mekaranîrîte.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Jakuvu 4:13

Rîu tanthikîrîriani, mue arîa mugaga atîrî, “Ûmûnthî kana rûyû tue nîtûkaathiî îtûûrarî rîna. Nîtûgekara kuo îvinda rîa mwaka mûgima na nîtûkaaruta wîra wa kûgûra na kwendia na tûgîe na mbeca nyîngî.”

Jakuvu 5:1

Na rîu mue itonga tanthikîrîriani. Rîrani na mwîgue kîeva nîûndû wa mathîna marîa maûkîte kûrî mue!

Jakuvu 5:5

Mûtûûrîre wenyu gûkû nthî wîthîrîtwe wîcûrîtwe nî mîago na ikeno. Mwînoretie ta ndegwa yetererete mûthenya wa kûthînjwa.