Mika 7:3 - ÎVUKU RÎA ÛVORO MWARO

³ Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Mika 7:3 ပူးပေါင်းရင်းမြစ်များ

Nthi 16:30

Mûndû ûrîa unaga metho, ethagîrwa akîvanga maûndû macûku, na mûndû ûrîa ûrûmithanagia mîromo nîekaga ûndû mûcûku.

Nthi 17:23

Mûndû mwaganu ocaga îvaki na nthitho, nîguo ndakarûmîrîre kîvooto.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Isaia 3:5

Andû nîmakaavinyanagîrîria, wa mûndû na ûrîa wîngî; andû ethî nîmakaaira andû arîa akûrû, na andû matarî kîene nîmakaaira anene ao.

Isaia 32:7

Mîthiîre ya mûndû ûrîa mûthunu nî mîcûku; avangaga maûndû ma waganu nîguo acûkangie athîni na ciugo ciake cia maveeni, wana rîrîa athîni maretia kîrîa kîmagîrîrîte.

Isaia 5:23

Arîa mavakagwa nîguo marekererie arîa marî na mavîtia, na makaima arîa athingu kîvooto Kîamo.

Jeremia 3:5

We nîûtûûra ûndakarîrîte tene na tene, nîûtûûra ûrî na mang'ûrîka tene tene? Isiraeli ûguo nîguo we ûraugire, nwatî nîwîkîte mevia monthe marîa ûngîavotire gwîka.”

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 22:6

Anene a Isiraeli arîa marî kûrî we, wa mûnene kûringana na vinya wake mendaga wa kûûragana.

Ezek 34:21

Mwatindîkire ng'ondu irîa itarî na vinya na ituro cienyu na mûkîimunda na mvîa nginya mûkîinyagania kûraca na ndîthia.

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Hosea 4:18

Gîkundi Kîam mîrîu kîîviraga kîo kîene ûmaraarî; nîkîendete gîconoko gûkîra kûvewa gîtîîo.

Hosea 7:3

Nîmakenagia mûthamaki na waganu wao, na magakenia atongoria na maveeni mao.

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Mika 2:8

Nwatî mue mûtharîkagîra andû akwa ta nthû; nîmûcunaga andû arîa endi thayû nguo ciao, arîa macokaga kuuma mbaararî magîciiragia atî mûciî marî na thayû.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 3:2

Nwatî mue mûmenete maûndû marîa maro na mûkenda maûndû marîa macûku. Mûrutaga andû akwa rûûo, na mûgatinangia nyama kuuma mavîndîrî mao.

Mathaayo 26:15

na akîmaûria atîrî, “Nîndûî mûkûmva nîngîmûnengera Jesû?” Nao nîmaatarire mbeca mîrongo îthatû cia sîlûva makîmûnengera.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.