Mika 7:17 - ÎVUKU RÎA ÛVORO MWARO

¹⁷ Nîmakaathiî makurumîte ta nyamû ya nthî rûkûngûrî, kana ta ciûmbe irîa ikurumaga. Nîmakaauma kûrîa kûgitîre makinainaga nî gwîtigîra, na nîmagetigîra Ngai-Mûnene, Ngai wetû na manyitwe nî guoya nîûndû wa maûndû mau.

Mika 7:17 ပူးပေါင်းရင်းမြစ်များ

2Sam 22:46

Andû acio a ndûrîrî nîmaaûrirwe nî vinya na magîûka makinainaga maumîte matûûrarî mao marîa mairigîre.

2Maû 17:10

Ngai-Mûnene nîwatûmire mavûrûri monthe marîa maathiûrûrûkîrîtie Juda metigîre kûrûa na mûthamaki Jehoshafati.

Thaburi 18:45

Ageni nîmaathirirwe nî ûmîrîru, na nîmaaumire kûrîa methithîte magîtetemaga.

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Thaburi 72:9

Nthû ciake irîa itûûraga werûrî nîikenamîrîra mbere yake; nthû ciake nîikaîgwîthia nthî rûkûngûrî.

Thaburi 9:20

Tûma megue guoya, we Ngai-Mûnene; tûma andû a ndûrîrî mamenye atî, o nî andû.

Isaia 25:3

Kwoguo andû arîa marî vinya nîmakaagûkumia; matûûra ma ndûrîrî irîa itarî ntha nîmagaagwîtigîra.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 59:19

Kuuma mwena wa îthûîro, wa mûndû nîagetigîra rîîtwa rîa Ngai-Mûnene, na onanie riiri wake kuuma mwena wa îrathîro. Nîûndû Ke agaaûka ta rûnjî rûvinyûrîte, rûtindîkîtwe nî rûkûngi rûnene rwa Ngai-Mûnene.

Isaia 60:14

Ciana cia arîa maagûkinyagîrîria nîigaaûka, ikwînamîrîre ikûve gîtîîo. Arîa onthe maakûnyararaga magaaûka menamîrîre mbere yaku. Magaagwîta, “Îtûûra rîa Ngai-Mûnene, Zayuni, Îtûûra rîa Ûrîa Mûtheru wa Isiraeli.”

Isaia 64:2

Ingîvîa ta ûrîa mwaki ûvîvagia kîthaka, ta ûrîa mwaki ûtûmaga manjî matherûke. Ûka ûmenyithanie rîîtwa rîaku kûrî nthû ciaku, na ûtûme ndûrîrî cinaine irî mbere yaku!

Isaia 65:25

Ciathi na ng'ondu ikaarîcaga vamwe; mînyambû îkaarîcaga nyaki ta ndegwa, nacio njoka ikaarîcaga mûthetu. Kûu kîrîmarî gîakwa kîonthe kîrîa kîtheru, gûtirî mûndû ûgaativia kana acûkangie ûrîa wîngî.”

Isaia 7:19

Nîmagaaûka onthe na matûûre ivarûrûkorî, na mîatûkarî ya mathiga, wana ithakarî cia mîtî ya mîgua kuonthe na kûndû kuonthe gwa kûrîthua.

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Maca 3:29

Agîrîrwe nî kwînyivia viû, nîûndû avota kûgîa na kîîrîgîrîro.

Zakaria 14:5

Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

Gûco 32:24

Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.

Josh 9:24

Nao nîmaacokerie Joshua atîrî, “Twekire ûguo nîûndû nîtwamenyete nama atî Ngai-Mûnene, Ngai wenyu nîwathîte ndungata yake Musa atî aûrage andû onthe arîa matûûraga vûrûrirî ûyû na atî nîakaamûva guo ûtuîke wenyu. Kwoguo nîtwetigîre na nîkîo gîatûmire twîka ûguo.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.

1Sam 14:11

Nao oîrî nîmeeyonithanirie kûrî Afilisiti, nao Afilisiti nîmaaugire atîrî, “Aia! Taroriani mwone Ahibirania amwe makiuma marimarî kûrîa marethithîte!”