Mika 7:12 - ÎVUKU RÎA ÛVORO MWARO

¹² Vîndî îo andû enyu nîmagacoka kûrî mue, kuuma Asîria nginya icagirî cia Misiri, na kuuma Misiri nginya rûnjîrî rwa Farati; kuuma îriarî nginya îriarî na kuuma kîrîmarî nginya kîrîmarî.

Mika 7:12 ပူးပေါင်းရင်းမြစ်များ

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 11:16

Nîgûkaagîa na njîra nene yumîte Asîria, nîûndû wa andû ake arîa maatigarire kuo, wata ûrîa gwekîkire kûrî andû a Isiraeli rîrîa maaumaga Misiri.

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Isaia 49:12

Andû akwa nîmakaauma kûndû kûraca, nao engî maume mwena wa rûgûrû na engî mwena wa îthûîro, na arîa engî maume mwena wa îveti.”

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 3:18

Vîndî îo andû a Juda nîmakaanyitanîra na andû a Isiraeli, na marî vamwe nîmakauma vûrûri ûrîa ûrî mwena wa rûgûrû na macoke vûrûri ûrîa naveere methe menyu ûrî îgai rîao.”

Jeremia 31:8

Taroria nîngamareta kuuma vûrûri wa mwena wa rûgûrû na nîmacokanîrîrie kuuma mîthiia yonthe ya nthî. Magaacoka marî gîkundi kînene, gatagatîrî kao kûrî ndumumu cionje na ithua, aka arîa marî na mavu na arîa marî vakuvî gûciara.

Jeremia 46:27

“Nwatî we Jakovu ndungata yakwa ndûgetigîre, mue andû a Isiraeli mûtikamake; nîûndû nîngakûvonokia nîrî kûraca, nîngavonokia njiarwa ciaku kuuma vûrûri ûrîa maathamîrue. Jakovu nîagaacoka mûciî avurûke na agîe na thayû, na gûtirî mûndû wanarî ûmwe ûkaamwîguithia guoya.

Ezek 29:21

“Mûthenya ûcio nîngaatûma andû a Isiraeli magîe na vinya na nîûkaavota kwaria ûrî gatagatî kao, nao nîmakaamenya atî nie nînie Ngai-Mûnene.”

Ezek 37:21

Nîûgaacoka ûmere Mwathani Ngai-Mûnene augîte atî: Nîngaaruta andû a Isiraeli maume mavûrûrirî kûrîa maathiîre, nîmaûnganie vamwe kuuma mîena yonthe na nîmacokie vûrûrirî wao.

Hosea 11:11

Magaûka magîtetemaga ta gîconi maumîte ya Misiri, makarûgaga ta macîa maumîte ya Asîria, nanie nîngamacokia kwao mîciî. Ûguo nîguo Ngai-Mûnene arauga.