Mika 7:1 - ÎVUKU RÎA ÛVORO MWARO

¹ Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.

Mika 7:1 ပူးပေါင်းရင်းမြစ်များ

Thaburi 120:5

Kaî nîrî na thîna-î atî ndûûraga ta mûgeni vûrûrirî wa Mesheki, ta mûgeni magemarî ma Kedari.

Nthi 20:6

Andû eengî metucaga atî nî aro, nwatî mûndû mwîvokeku angîuma kû?

Isaia 17:6

Gûgaatigara andû anini, ta mûtamaiyû ûrî mûkethe, ûgatigara na ndamaiyû igîrî kana ithatû rûvûarî rwa îgûrû, kana mûtî wa matunda ûkethetwe, ûgatigara matunda mana kana matano mvûarî cia guo. Nie Ngai-Mûnene, Ngai wa Isiraeli, nînie nauga ûguo.”

Isaia 24:13

Ûguo nîguo gûgekara mavûrûrirî monthe ma nthî, wata ûrîa mûtamaiyû wîkaraga maketha mathira, gûtigaraga ndamaiyû nini cia mûthiia, nwaguo gûgaatigara andû anini marî mwoyo.

Isaia 24:16

Nîtûregua nyîmbo cia gûkumia Ngai ûrîa mûthingu, ikinwa kuuma mîthiia ya nthî. Nwatî ngoro yakwa nî ndito nî kîeva, nama, ngoro yakwa nî ndito! Ndirî na kîîrîgîrîro! Andû arîa acukanîrîri mekaga maûndû ma ûcukanîrîri, na ûcukanîrîri ûthiîte na mbere kwongerereka.

Isaia 28:4

Riiri wao ûrathira ta ûrîa yûa rîvovaga, riiri ûrîa ûrî Kîamndarî kîrîa kîrî ûtonga, ûkethîrwa wîkariî ta ngûû irîa itunîvaga mbere ya îvinda rîa riûa, rîrîa mûndû aciona aitucaga na akairîa wa rîmwe.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Jeremia 15:10

Nyanya, kaî nîrî na thîna-î! Wanjiarire nîkî, nîûndû ndûûraga ngucanagia na andû vûrûrirî wonthe? Ndianakombithia mûndû kana ngoba kûrî mûndû, nwatî andû onthe nîmaranuma.

Jeremia 24:2

Gîkavu kîmwe Kîamrî na ngûyû mbaro mûno ta ngûyû irîa itunîvaga irî cia mbere, nwatî gîkavu gîa kaîrî Kîamrî na ngûyû njûku mûno ûndû itangîrîka.

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 45:3

waugire atîrî, “Kaî nîrî na thîna-î! Nîûndû Ngai-Mûnene nîongererete kîeva îgûrû rîa ruo rûrîa nîrî naruo. Njaîte nganoga na ndirî na thayû.”

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Hosea 9:10

Ngai-Mûnene arauga atîrî: “Rîrîa nacemanirie na andû a Isiraeli, mekariî ta mûthavibu ûrî werûrî. Rîrîa nonire atongoria enyu, mekariî ta matunda ma mbere ma mûkûyû. Nwatî wa rîmwe maakinya kûu Baali-peori, nîmeyamûrire na makîambîrîria kûgooca Baali, maagîre na mûgiro wata kîndû kîu mendete.

Ndari 18:13

Maciaro ma mbere ma irio cia mîgûnda irîa mategagîra Ngai-Mûnene nî ciaku. Mûndû wa wonthe wa mûciî waku ûrîa ûkethagîrwa arî mûtheru nîakaarîcaga irio icio.