Mika 6:8 - ÎVUKU RÎA ÛVORO MWARO

⁸ Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Mika 6:8 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Kîam 5:22

Vuva wa gûciara Methusela Enoku nîwekarire marî ngwatanîro na Ngai îvinda rîa mîaka magana mathatû (300) na agîcoka agîciara ciana ciîngî.

2Maû 30:11

Kûnarî ûguo, andû anini a kuuma Asheri, Manase na Zebuluni nîmeenyivirie na makîthiî Jerusalemu.

2Maû 32:26

Nwatî Hezekia na andû a Jerusalemu nîmaaverire magîtiga gwîtîîa, kwoguo Ngai-Mûnene ndaaverithia andû a Jerusalemu Hezekia arî mwoyo.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

2Maû 33:23

Ndenyivia mbere ya Ngai-Mûnene ta ûrîa îthe Manase eekîte, nwatî nîwevirie mûno makîria ya îthe.

2Maû 34:27

nîûndû nîûreririre na wenyivia mbere ya Ngai rîrîa ûregwire ciugo ciake ciîgiî kûndû gûkû na andû arîa matûûraga kuo, nîûrenyivirie mbere yakwa, na mwatembûranga nguo ciaku nîûndû wa kîeva na ûkîndîrîra, wananie nînegua mavoya maku.

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Thaburi 101:1

Nîraina rwîmbo rwa wîvokeku na kîvooto, we Ngai-Mûnene nîwe ngwinîra rwîmbo rûrû.

Thaburi 112:4

Andû arîa aro, atugi, marî ntha na athingu, nîmaragîrwa nî ûtheri ndumarî.

Thaburi 112:9

Arutaga na ûtaana, akava andû arîa athîni; ûtaana wake ûtûûraga tene na tene; ethagîrwa na vinya na nîwîtigîrîtwe.

Thaburi 37:26

Vîndî cionthe mavecanaga makenete na magakombithania, na ciana ciao nî kîrathimo kûrî o.

Thaburi 73:28

Nwatî vakwa nie, nîwaro gwîkara vakuvî na Ngai, nînduîte Mwathani Ngai-Mûnene vandû vakwa va kwîthitha, nîguo managîrîre maûndû monthe marîa ekîte!

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Isaia 56:1

Ngai-Mûnene arauga atîrî, “Rûmagîrîrani kîvooto na mwîkage maûndû ma ûthingu, nîûndû nîrî vakuvî gûka kûmûvonokia, ûthingu wakwa ûrî vakuvî kûguûranîrua.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Jeremia 22:16

Nîwonanagia kîvooto kûrî ngîa na athîni, maûndû make nîmaagagîra. Gwîka ûguo nîkuo kûmenya Ngai-Mûnene.

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 9:23

Ngai-Mûnene arauga atîrî, “Mûndû mûûgî ndakegathe na ûûgî wake, na andû njamba matikegathe nîûndû wa vinya wao, na itonga itikegathe na ûtonga wacio.

Maca 3:26

Nî waro mûndû gwîkara akirîrîrîtie, etererete ûvonokio wa Ngai-Mûnene.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 33:14

Wana rîngî nwambîre mûndû mwaganu atî, ‘Nama we nîûgaakua.’ Kûnarî ûguo angîgarûrûka atige kwîvia na acoke gwîka maûndû ma kîvooto na marîa magîrîru,

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Hosea 12:6

Nwatî nwa nginya ûcokerere Ngai waku, tongoraguani nî wendo na kîvooto, îîvokageni Ngai wenyu vîndî cionthe.

Hosea 6:6

Nîûndû mendete wendo ûtathiraga na tî îgongoona, kûmenya Ngai na tî matega ma kûvîvua.

Alawi 26:41

Nînaareganire nao na ngîmavira îthamîriorî vûrûrirî wa nthû ciao. Mûthiiarî ethîrwa njiarwa cienyu nîikenyivia na ciîrire itige kwîvia,

Amosi 5:24

Vandû va ûguo, tiga kîvooto kînyûrûrûkage ta karûnjî, na ûthingu ûnyûrûkage ta rûnjî rûtavûcaga.

Mika 6:9

Ngai-Mûnene nî areta andû arîa matûûraga îtûûrarî na nîkwagîrîrîte mwîtigîre rîîtwa rîake; ke arauga atîrî: Tathikîrîriani mue mûgomanîte îtûûrarî!

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Zakaria 7:9

“Tucanagîrani ciira wa kîvooto, îgucanagîrani ntha, na mûtuganage mûndû na mûndû ûrîa wîngî.

Mathaayo 5:3

“Kûrathimwa nî arîa mecî nîmavatarîte ûtethio wa Kîîroho, nîûndû Ûthamaki wa Îgûrû nî wao!

Mathaayo 5:7

Kûrathimwa nî arîa megucanagîra ntha, nîûndû nîmakeguîrwa ntha!

Luka 10:42

nwatî ûndû ûmwe tu nîguo ûravatarîka. Mariamu nîwethuurîra ûndû ûrîa wagîrîrîte na ke tî acunwa guo.”

Luka 11:42

“Kaî mue Afarisai mûrî na thîna-î! Nîûndû mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia na nderamûkîa, nwatî mûgatiganîria ûthingu wa vamwe na kwenda Ngai. Maûndû mama mwagîrîrwe mûmekage mûtagûtiganîria marîa mengî.

Luka 12:14

Nwatî Jesû nîwamûcokerie atîrî, “Mûrata wakwa, nî ûrîkû ûmvete rûtha rwa gûtua ciira yenyu na rwa kûgaa indo cienyu?”

Luka 6:36

Kwoguo îgucanagîrani ntha wata ûrîa îthe wenyu amwîgucagîra ntha.

Aroma 7:16

Na rîu ethîrwa mbîkaga maûndû marîa menete, nîngwîtîkîra atî watho nî mwaro.

Aroma 9:20

Nwatî we nîwe û mûrata wakwa atî nîguo ûcokerie Ngai? Nyûngû ya yûmba ndîagîrîrwe nî kûria ûrîa wa mîûmbire atîrî, “Wanyûmbire ûguo nîkî?”

1Akor 7:16

Mûndûmûka ûyû, wîcî atîa kana tîwe ûkaavonokia mûthuuriguo? Nawe mûthuuri ûyû, wîcî atîa kana tîwe ûkaavonokia mûkaguo?

Aefeso 4:32

Vandû va ûguo, tuganagani, îgucanagîrani ntha na mwovanagîre wata ûrîa Ngai aamwoveere na njîra ya Kristû.

Gûco 27:10

Kwoguo athîkagîrani Ngai-Mûnene Ngai wenyu na mwathîkagîre maathani make monthe marîa ngûmûva ûmûnthî.”

Gûco 30:15

“Taroriani, ûmûnthî nîramwîra mûthuure ûndû ûmwe gatagatî ka ûndû mwaro na ûndû mûcûku: gîkuû na mwoyo.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

Jakuvu 2:20

We kîrimû! Nîûrenda kwonua atî wîtîkio ûtarî na ciîko nî ûyû mûthatu?

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.