Mika 6:6 - ÎVUKU RÎA ÛVORO MWARO

⁶ Nîndûî ngaavirîra Ngai-Mûnene, Ngai wa îgûrû nîguo ngooce Ngai wa îgûrû? Ngaamûvirîra matega ma kûvîvua, ma tûregwa twa ûkûrû wa mwaka ûmwe?

Mika 6:6 ပူးပေါင်းရင်းမြစ်များ

2Sam 21:3

Kwoguo Daudi nîwetire andû acio a Gibeoni na akîmaûria atîrî, “Mûrenda nîmwîkîre atîa? Nîrenda kûmûrîvîrîria nîûndû wa maûndû macûku marîa mwekirwe nî Saûlo nîguo mûrathime andû a Ngai-Mûnene.”

Thaburi 116:12

Nîndûî nîngîva Ngai-Mûnene, nîûndû wa maûndû monthe maro marîa ambîkîte?

Thaburi 22:29

Andû onthe arîa etîi nîmakenamîrîra mamûgooce andû onthe arîa makucaga nîmakenamîrîra mbere yake.

Thaburi 95:2

Nîtûthiîni mbere yake tûrî na ngatho, nîtûmûkûngûîre na nyîmbo cia kûmûkumia tûkenete.

Thaburi 95:6

Ûkani tûmwînamîrîre na tûmûgooce, tûturie maru mbere ya Ngai-Mûnene, ûrîa watûmbire.

Ntha 12:5

Mûndû nwanginya acarie kagondu kana kathenge karî na ûkûrû wa mwaka ûmwe na gatarî wonje kana maroro.

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Isaia 40:16

Mûtitû wa Lebanoni ndûngiuma ngû mbîganu, kana nyamû ciakuo ciîgana cia kûmûrutîra îtega rîa kûvîvua.

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Ezek 46:9

Rîrîa andû maûka kûgooca Ngai-Mûnene vîndî ya irugo irîa nyamûre, mûndû ûrîa ûtonyerere kîvingorî Kîam mwena wa rûgûrû akaaumîrîra kîvingo Kîam mwena wa îveti, nake ûrîa ûtonyerere kîvingo Kîam mwena wa îveti akaaumîrîra kîvingo Kîam mwena wa rûgûrû. Gûtirî mûndû ûkaumîrîra kîvingorî kîrîa atonyerere, akaaumagîra kîvingorî kîrîa kîrî mbere yake.

Danieli 3:26

Kwoguo Nebukadinezarû nîwathiîre vakuvî na mûromo wa varîa mwaki ûcio warî na agîtana augîrîrîtie atîrî, “Shadiraka, Mîsheki na Abendinego, ndungata cia Ngai ûrîa Mûnene mûno, umani mûke ava!” Nao Shadiraka, Mîsheki na Abendinego nîmaumîrire mwakirî ûcio mûnene.

Danieli 4:9

Beliteshazaru, mûnene wa aringi ciama, nie nîmbicî atî wîthagîrwa ûrî na roho kuuma kûrî ngai irîa ntheru na gûtirî nthitho ûtaicî; rîu ta ndaûrîra kîoneki kîrîa nonire na njîra ya kîroto.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Danieli 5:21

Nîwarutirwe gatagatîrî ka andû namo meciria make nîmaagarûrûkire magîtuîka ta ma nyamû. Ke aatûûranagia na nyûmbû, aarîcaga nyaki ta ndegwa, na aararaga nja akîrivagwa nî îme, nginya rîrîa atî Ngai Ûrîa ûrî Îgûrû mûno nîke wathaga mothamaki ma andû na nîke ûthuuraga ûrîa akwenda athanage mothamakirî mau.

Hosea 5:6

Nîmakaathiî na ikundi ciao cia ng'ombe na ng'ondu, gûcaria Ngai-Mûnene; nwatî matikamwona, nîûndû ke nîmûmatiganîriu.

Amosi 5:22

Wana mwandutîra matega ma kûvîvua na matega ma irio cia mîgûnda ndikaametîkîra. Na ndigetîkîra matega menyu ma thayû ma nyamû irîa noru.

Ndari 7:51

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Mathaayo 19:16

Mûndû ûmwe nîwathiîre kûrî Jesû na akîmûria atîrî, “Mwarimû! Nî ûndû ûrîkû mwaro mbagîrîrwe nî gwîka nîguo ngaagaîrwa mwoyo wa tene na tene?”

Maariko 12:33

Na mûndû kwenda Ngai na ngoro yake yonthe, na ûûgî wake wonthe, na vinya yake yonthe, wana kwenda mûndû ûrîa mariganîtie nake wata ûrîa eyendete ke mwene, nîgûkîrîte kûrutîra Ngai magongoona ma kûvîvua wana ma mîthemba îrîa îngî yonthe.”

Maariko 5:7

Nake nîwacokire akiugîrîria akiugaga atîrî, “Jesû Mûriû wa Ngai ûrîa ûrî Îgûrû Mûno! Nîndûî ûrenda kuumana nanie? Nie nakûthaitha na rîîtwa rîa Ngai, ndûkamverithie!”

Luka 10:25

Vîndî îmwe mwarimû ûmwe wa watho nîwarûngamire akîenda kûgeria Jesû na akîmûria atîrî, “Mwarimû, nie nîngîka atîa nîguo ngaagaîrwa mwoyo wa tene na tene?”

Johana 6:26

Nake Jesû nîwamacokerie atîrî, “Nîramwîra na ma atî mue mûranjaria nîûndû nîmûrarîre mîgate mûkîvaa, nwatî tî nîûndû atî nîmûrataûkîrwe nî ûrîa ciama ciakwa irendaga kwonania.

Ciîko 16:17

Mwîrîtu ûcio nîwarûmîrîrie Paûlo vamwe wa natue akiugagîrîria atîrî, “Andû aya nî ndungata cia Ngai Ûrîa Ûrî Îgûrû Mûno! O nîmaranîrîra ûrîa mûngîvonoka!”

Ciîko 16:30

Nake nîwamarutire nja na akîmaûria atîrî, “Athuuri aya, nie mbagîrîrwe nî gwîka atîa nîguo mvonoke?”

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Aefeso 3:14

Ûndû ûcio nîguo ûtûmaga ndurîria Îthe wetû maru,

Ahib 10:11

Mûthînjîri-Ngai wa wonthe nîarûngamaga wa mûthenya wa mûthenya na akarutîra Ngai magongoona ma mûthemba ûmwe maita meengî. Magongoona mau matingîvota kûthengutia mevia.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.