Mika 6:5 - ÎVUKU RÎA ÛVORO MWARO

⁵ Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Mika 6:5 ပူးပေါင်းရင်းမြစ်များ

Thaburi 111:4

Nîatûmîte maûndû make ma magegania maririkanagwe; Ngai-Mûnene nî mûtugi na arî ntha.

Thaburi 143:11

Mvonokia we Ngai-Mûnene nîûndû wa rîîtwa rîaku; nîûndû wa ûthingu waku nduta mathînarî.

Thaburi 36:10

Thiî na mbere kwonia wendo ûtathiraga arîa magwicî, na gwîka andû arîa athingu maûndû maro.

Thaburi 71:19

Ûthingu waku we Ngai, ûkinyîte matuurî, we nîwîkîte maûndû manene. We Ngai, nû wîkariî tawe?

Isaia 1:27

Îtûûra rîa Zayuni rîgakûûrûa na kîvooto, na arîa marî kuo mavera makûûrwe na ûthingu.

Ndari 22:41

Kîraûko Kîam mûthenya ûcio wîngî Balaki nîwocire Balaamu na akîmûvira nginya Bamothibaali. Marî kûu Balaamu nîwonaga andû amwe a Isiraeli.

Ndari 23:27

Kwoguo Balaki nîwerire Balaamu atîrî, “Ûka tûthiî nawe na nîngûkûvira vandû vengî. Nwa kwîthîrwa Ngai nîagûgwîtîkîria ûnumîre o ûrî vandû vau.”

Ndari 25:1

Rîrîa andû a Isiraeli matûûraga vûrûrirî wa Shitimu, arûme a Isiraeli nîmaamenyanire kîîmwîrî na aka a Moabu arîa maarî kuo.

Ndari 25:2

Aka acio nîmeetire Aisiraeli mamburarî mao ma kûrutîra ngai ciao magongoona. Andû a Isiraeli nîmaarîre irio na makîgooca ngai cia a Moabu.

Ndari 31:16

Ririkanani atî aka nîo maathikîrîrie ûtaaro wa Balaamu na magîtûma andû a Isiraeli maregana na Ngai-Mûnene marî Peori. Ûndû ûcio nîguo watûmire andû a Ngai-Mûnene mathirua nî mîrimû mîcûku.

Ndari 31:8

vamwe na athamaki atano a Midiani: Evi, Rekemu, Zuri, Huri na Reba. Nîmaacokire makîûraga Balaamu mûvîcî wa Beori.

Ndari 33:49

Maambire magema gatagatîrî ka Bethi-jeshimothi na kûndû kûrîa kwaraganu kwa Moabu.

Aefeso 2:11

Mue mûtiaciarwa mûrî Ayahudi. Mue nîmue andû arîa Ayahudi metaga “andû matarî aruu.” (Kûrua kwao nî kwa mîîrî). Taririkanani ûrîa mwatûûraga vîndî ya tene.

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.

Gûco 23:6

Rîrîa rîonthe mûgûtûûra mwoyo mûtigeke ûndû wanarî ûmwe ûngîtûma andû a mavûrûri mama meganîre.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

Josh 2:1

Joshua mûvîcî wa Nuni nîwacokire agîtûma athigani aîrî kuuma Shitimu na akîmera mathiî makathigane vûrûri wa Kanaani na makîria îtûûra rîa Jeriko. Rîrîa maakinyire îtûûrarî rîa Jeriko, nîmaathiîre na makîrarîrîra kwa mûndû mûka ûmwe mûmaraa wetagwa Rahabu.

Josh 3:1

Mûthenya ûcio warûmîrîrîte kîraûko tene, Joshua na andû onthe a Isiraeli nîmaaumire Shitimu na makîthiî rûnjîrî rwa Jorodani. Vau nîvo maambire magema mao na makîrara ûtukû wa mûthenya ûcio.

Josh 4:19

Andû a Isiraeli maaringire Jorodani mûthenya wa îkûmi wa mweri wa mbere. Nao nîmaambire magema mao Giligali mûvakarî wa Jeriko mwena wa îrathîro.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.

1Joh 1:9

Nwatî tûngiumbûra mevia metû kûrî Ngai ke nîagûtwovera na atûtherie mevia metû monthe nîûndû ke nî mwîvokeku na nîekaga ûma.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

Kûguû 2:14

Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.

Atir 11:25

Nîkwa wî mwaro gûkîra Balaki, mûvîcî wa Zipori, mûthamaki wa Moabu? Ke ndaananegenania na Aisiraeli, wana ndaanarûa nao.

Atir 5:11

Tathikîrîriani! Acio maranegena marî ithimarî cia manjî, marauga ûrîa Ngai-Mûnene avootanîte, ûvootani wa andû a Isiraeli! Nao andû a Ngai-Mûnene nîmaaumire matûûrarî mao.

1Sam 12:7

Kwoguo rûngamani rîu mûmîrîrîtie nîguo nîmûthitange mbere ya Ngai-Mûnene na njîra ya kûmûririkania maûndû megiî ciîko cionthe cia vinya irîa Ngai-Mûnene eekire nîguo mue wa vamwe na methe menyu ma tene mûvonoke.