Mika 6:2 - ÎVUKU RÎA ÛVORO MWARO

² Mue irîma, namue mîcingi ya nthî îrîa îtûûraga tene na tene! thikîrîriani Ngai-Mûnene akîthitanga andû ake. Nîagaacira na andû ake a Isiraeli.

Mika 6:2 ပူးပေါင်းရင်းမြစ်များ

2Sam 22:16

Vîndî îo kûndû kûrîa kûrikîru mûno kwa îria nîkwonekire, mîcingi ya nthî ikîguûrua rîrîa Ngai-Mûnene aarumire nthû ciake, na agîikaania arî na marakara.

2Sam 22:8

Nthî nîyacokire îkîthingitha, itina cia matuurî nîciainainire na ikîthingitha, nîûndû Ngai aarî mûrakaru!

Thaburi 104:5

Nîwe wavandire nthî waro îgûrû rîa mîcingi wayo, na ndîkenyenyeka tene na tene.

Nthi 8:29

Naarî vo vîndî îrîa aarûthire mîvaka ya îria nîguo îria rîtikavîtûke varîa aarîathire rîkinye. Naarî vo rîrîa aarûthire mîcingi ya nthî.

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 3:13

Ngai-Mûnene nîevarîrîtie gûcirithania; nîekarîrîte gîtî atuîre andû ciira.

Isaia 43:26

“Ta ndirikania, tiga tûciire twî vamwe! Aria maûndû maku nîguo wonekane atî wî na ûma!

Isaia 5:3

Kwoguo rîu mûrata wakwa arauga atîrî, “Mue andû arîa mûtûûraga Jerusalemu na andû a Juda, nînîramûthaitha mûtue cira gatagatîrî gakwa na mûgûnda wakwa wa mîthavibu.

Jeremia 2:9

Kwoguo nie Ngai-Mûnene nîrî na ciira namue, na nîngacirithia njiarwa cienyu.

Jeremia 25:31

Înegene rîu nîrîkeguua nthî yonthe, nîûndû Ngai-Mûnene nîagaacirithia mavûrûri, nîagaatuîra andû onthe, na aûrage arîa onthe aganu. Ûguo nîguo Ngai-Mûnene arauga.’ ”

Jeremia 31:37

Kethîrwa îgûrû nwa kûthimwe, na mîcingi ya nthî îgatuîrua, vîndî îo nîrîo nîngîtiganîrie njiarwa cia Isiraeli, nîûndû wa maûndû monthe mekîte. Ûguo nîguo Ngai-Mûnene arauga.”

Hosea 12:2

Ngai-Mûnene arî na ciira na andû a Juda; na nîakûverithia Juda nîûndû wa ciîko ciake njûku, na amûrîve nîûndû wa ciîko ciake mbaro.

Hosea 12:3

Mbere ya Jakovu aciarwe nîwagianire na mûrwang'ina; na atuîka mûndû mûgima nîwagianire na Ngai.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Mika 6:1

Thikîrîriani ûrîa Ngai-Mûnene arauga. Gweta ciira waku mbere ya irîma, na ûreke tûrîma twîgue mûgambo waku.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.