Mika 6:15 - ÎVUKU RÎA ÛVORO MWARO

¹⁵ Mûkaavanda nwatî mûtigaaketha kîndû, mûkaaviva ndamaiyû ciume maguta nwatî mûtigaatûmîra maguta mau. Mûkaaviva thavibu nwatî mûtikaanyua ndivei.

Mika 6:15 ပူးပေါင်းရင်းမြစ်များ

Ayubu 31:8

nthithina yakwa îrorîwa nî mûndû wîngî, na kîrîa ngûragia mûgûndarî gîkûûrwe.

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Habakuku 3:17

Wana ethîrwa mîkûyû tî îraa, kana mîthavibu îciara matunda, na mîtamaiyû îrege gûciara, na mîgûnda îture maketha, ndîthia cia ng'ondu na ng'ombe ciume kûrî irîa ciîngî, na ndîthia cia ng'ombe iture njagarî,

Zefania 1:13

Nîmagacunwa ûtonga wao na indo ciao cia nyomba. Matigatûûra nyombarî irîa maratuma, kana manyue ndivei ya mîtî îrîa maravanda rîu.”

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Johana 4:37

Nîûndû nthimo îno yugaga atî, ‘Mûndû ûmwe nîke ûvandaga nake wîngî agaketha.’

Atir 6:4

Nîmaatumire magema vûrûrirî wa Aisiraeli na magîcûkangia irio irîa ciarî mîgûndarî kûndû kuonthe kûrîa kûriganîtie na Gaza. Nîmaathiîre na ng'ondu cionthe, ng'ombe, na mvunda na matiatiga kîndû wanarî kîmwe kûngîtûûria Aisiraeli mwoyo.