Mika 5:7 - ÎVUKU RÎA ÛVORO MWARO

⁷ Nao andû a Isiraeli arîa magaatigara marî mwoyo makethîrwa mekariî ta îme kuuma kûrî Ngai-Mûnene marî gatagatî ka andû arîa engî kana ta mbura ya rûthuthuû rûrîa rûgwîcagîra nyaki, na ndiurithagua nî mûndû nwatî nî Ngai.

Mika 5:7 ပူးပေါင်းရင်းမြစ်များ

2Sam 17:12

Natue tûgacaria Daudi wa kûrîa arî na tûmûtharîkîre mbere ya akamenya ûrîa kûrekîka. Ke mwene na andû ake gûtirî ûkavonoka.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Thaburi 133:3

Nîta îme rîa kîrîma Kîam Herimoni, rîrîa rîgûcaga irîmarî cia Zayuni. Kûu nîkuo Ngai-Mûnene eranîrîte nîakaarathima andû ake, na kûmava ûtûûro ûtathiraga.

Thaburi 72:6

Mûthamaki arotuîka ta mbura mîgûndarî, ta rûthuthuû rûkiurîra nthî nyûmû.

Nthi 19:12

Mûthamaki arî mûrakaru araramaga ta mûnyambû, nwatî ntha ciake nîta îme rîgwîrîrîte nyaki.

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 55:10

“Wata ûrîa mbura yuraga nthî na mbaravu îkagwa nthî kuuma îgûrû, na iticokaga kuo nwatî itûmaga nthî îgîe manjî, na igatûma mîmera îmere na îgakûra, na ikava mûvandi maketha na ikava andû irio,

Isaia 66:19

na nîngaamonia rûûri rwa vinya wakwa gatagatîrî kao. “Nwatî arîa magaatigara nîngaamatûma mathiî mavûrûrirî ma kûraca; namo nî: Tarishishi, Lîbia, na Lîdia (kûrîa kûrî andû maicîkene na gûtûmîra ûta na mîguî mûno.) Wana nîngaamatûma mathiî mavûrûrirî ma Tubali na Ngiriki, wana mavûrûrirî ma kûraca marîa marî vakuvî na îria, marîa matanegua ngumo ya rîîtwa rîakwa wana kana moona riiri wakwa. Andû acio akwa nîmakaanîrîra ûvoro wa riiri wakwa mavûrûrirî mau monthe.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Ezek 14:22

Kûnarî ûguo, kûrî na andû makaavonoka na mavonokie erîtu na anake ao. Andû acio mangîgaaûka kûrî we, ûkaamaroria nîguo wone mîtugo na mîthiîre yao mîcûku; mîtugo îo nîîkamwonia atî îverithia rîrîa ngaverithia Jerusalemu nîrîagîrîru.

Ezek 47:1

Mûndû ûrîa nîwanjokirie mûromorî wa hekarû. Vau manjî maumaga na rungu rwa mûromo na makanyûrûrûka mathiîte mwena wa îrathîro (nîûndû hekarû yaroretie mwena wa îrathîro). Manjî manyûrûrûkaga kuuma nthî mwena wa îveti wa hekarû mavîtûkîrîrîte mwena wa îveti wa metha ya kîgongoona.

Ezek 5:5

Ngai-Mûnene augîte atîrî, “Rîîrî nî îtûûra rîa Jerusalemu. Nîrigîte gatagatî ka ndûrîrî na ngatûma rîrigicîrue nî mavûrûri.

Danieli 11:32

Mûthamaki ûcio nîakaagucîrîria na njîra ya maveeni arîa onthe mareganîte na ndini yao, nwatî arîa marûmagîrîra Ngai nîmakaaregana nake.

Hosea 14:5

Ngethagîrwa mbîkariî ta îme kûrî andû a Isiraeli nao magacanûka ta yûa rîrîa rîmeraga rûnjîrî, makagîa na mîri ta mîtarakwe ya Lebanoni.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Joeli 2:32

Nwatî andû onthe arîa makaavoya Ngai-Mûnene amatethie, nîmakaavonokua. Nîûndû kîrîma gîa Zayuni na Jerusalemu, nîgûkethîrwa na ‘andû makaavonoka, arîa magaatigara nî arîa nie nthurîte, ta ûrîa mbugîte nie Ngai-Mûnene.’ ”

Amosi 5:15

Thûrani maûndû macûku na mwende maûndû maro, na mûrûmagîrîre kîvooto magootirî. Nwa kwîthîrwa Ngai-Mûnene, Mwene vinya wonthe nwa akinyîrie njiarwa cia Josefu irîa itigarîte wega wake.

Mika 2:12

“Nwatî nama mue andû a Jakovu nîngaamûgomania vamwe, nîngaûngania andû a Isiraeli arîa matigarîte, nîmagomanie vamwe ta ng'ondu irî Kîamgarî, ta ndîthia nene ya ng'ondu irî kîthakarî, nîmûgaatuîka gîkundi Kîam andû eengî,”

Mika 4:13

Ngai-Mûnene augîte atîrî, “Mue andû a Zayuni, thiîni mûkaverithie nthû cienyu! Nîngaatûma mûgîe na vinya ta wa ndegwa, îrî na mvîa cia cuuma na mavûngû ma cuuma ya gîcango. Nîmûkavoota andû a mavûrûri meengî, na nîmûkaanyamûrîra ûtonga wao ûrî îtega, mûndutîre indo ciao, nie Mwathani wa nthî yonthe.”

Mika 4:7

Andû acio ithua nîo magatigara marî mwoyo, nao arîa maavirirwe îthamîriorî matuîke rûrîrî rûrî na vinya. Nanie nîngaamathaga nîrî kîrîmarî gîa Zayuni kuuma vîndî îo nginya tene na tene.”

Mika 5:3

Kwoguo Ngai-Mûnene nîagaatiganîria andû ake, nginya rîrîa mûndûmûka ûrîa ûrî îvu agaaciara kavîcî. Nao andû ao arîa marî îthamîriorî nîmagaacokanîrîra rîngî na andû a Isiraeli.

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Zefania 3:13

Andû arîa matigîtwe kûu Isiraeli matigeka naaî, matikaria maveeni, kana mageria kûveenania. Makaagîcaga gîa kûrîa na marî na ûgitîri, na matagwîtigîra wanarî kîndû.”

Zakaria 14:8

Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

Zakaria 9:13

Nîndûmîra Juda ta ûta wakwa, Efiraimu nîmûtuîte ta mîguî yakwa. Mue andû a Zayuni, anake enyu nîngaamatua ta rûviû rwakwa rwa njûra, makethîrwa mekariî ta rûviû rwa mbaara, rwa kûtharîkîra andû a Ngiriki.”

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Ciîko 11:15

Rîrîa naambîrîrie kwaria, Roho Mûtheru nîwamanyûrûrûkîre wata ûrîa aatûnyûrûrûkîre Kîammbîrîriarî.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 16:9

Na ûtukû ûcio, Paûlo nîwagîre na kîoneki na akîona mûndû wa kuuma Makedonia. Nake mûndû ûcio nîwarûngamire na akîmûthaitha akîmwîraga atîrî, “Ûka Makedonia ûgatûtethie!”

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

Aroma 10:20

Nake Isaia wanake nîaugîte arî na ûmîrîru atîrî: “Nînoonirwe nî andû arîa mataanjaragia; nîneyumîririe kûrî andû arîa mataambûragia.”

Aroma 11:12

Mevia marîa meekirwe nî Ayahudi nîmaaretire irathimo nyîngî gûkû nthî, na ûthîni wao wa ngoro nîwaretire irathimo nyîngî kûrî andû a Ndûrîrî. Kwoguo nthî îkaagîa na irathimo ciîgana atîa vîndî îrîa Ayahudi onthe magatonyua ûvonokiorî!

Aroma 9:30

Rîu ûguo nîkuga atîa? Ûguo kuga atî andû a Ndûrîrî matiageria gwîtua athingu mbere ya Ngai, nwatî Ngai nîwamatuire athingu nîûndû wa wîtîkio wao.

1Akor 3:6

Nie nînavandire mbegû, Apolo nîwetîrîrie mîmera manjî, nwatî Ngai nîke wamîvotithirie gûkûra.

Gûco 32:2

Kîrîra gîakwa nî kiura ta mbura, ciugo ciakwa igwe nthî ta îme. Ciugo ciakwa ciure ta mbura ya rûnyunyuû îgûrû rîa nyaki nini, ta mbura ya rûnyunyuû îgûrû rîa mîmera mînini.

Atir 6:36

Gideoni nîwacokire akîra Ngai atîrî, “Ethîrwa nîûkûvonokia Isiraeli na njîra yakwa wata ûrîa ugîte,