Mika 5:5 - ÎVUKU RÎA ÛVORO MWARO

⁵ nake nî akaareta thayû. Rîrîa andû a Asîria makaatharîkîra vûrûri wetû; na momomore nyomba cietû cia kwîgitîra, nîtûgaatûma atongoria etû arîa marî vinya makarûe nao.

Mika 5:5 ပူးပေါင်းရင်းမြစ်များ

Ayubu 5:19

Ke nîagaagûkûûra mathînarî matandatû, na ndûgaacûkangua nî thîna wa mûgwanja.

Thaburi 72:7

Ûthingu ûrothiî na mbere ûtûûrorî wake wonthe, na kûgîe na thayû tene na tene.

Nthi 30:18

Kûrî maûndû mathatû mangegagia, na kûrî maûndû mana ndataûkagîrwa nî mo:

Nthi 30:29

Kûrî ciûmbe ithatû irî mîthiîre ya kwenda kwonwa, kûrî ciûmbe inya irî mîthiîre mîaro.

Nthi 6:16

Kûrî na maûndû matandatû marîa Ngai-Mûnene amenete, Ii nî mûgwanja marîa marî mûgiro kûrî ke:

Mûvunjia 11:2

Onjorithia mbeca ciaku na njîra nyîngî, nîûndû ndwîcî ûrîa gûgekara.

Isaia 14:25

Nîngaathiria Asîria arîa marî vûrûrirî wakwa, na nîmakinyangîre irîmarî ciakwa. Nîngaaruta andû akwa ûkomborî wa Asîria, na nîmaûre mûrigo ûrîa mamakuuithîtie.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Isaia 59:19

Kuuma mwena wa îthûîro, wa mûndû nîagetigîra rîîtwa rîa Ngai-Mûnene, na onanie riiri wake kuuma mwena wa îrathîro. Nîûndû Ke agaaûka ta rûnjî rûvinyûrîte, rûtindîkîtwe nî rûkûngi rûnene rwa Ngai-Mûnene.

Isaia 65:8

Ngai-Mûnene arauga atîrî, “Andû moona thavibu inyitanîte vamwe irî mbaro meranaga atî: ‘Tûtikaithûkie, nîûndû nwa ciume ndivei.’ Ûguo nîguo ngeeka nîûndû wa ndungata ciakwa, na ndikaamathiria onthe.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Jeremia 33:15

Mîthenya îo na îvinda rîu, nîngatûma kûgîe na mûndû mûthingu kuuma rûciaro rwa Daudi atuîke mûthamaki; nake nîakaathana na ûûma na kîvooto gûkû nthî.

Amosi 1:3

Ngai-Mûnene arauga atîrî, Andû a Damesiki nîmevîtie rîngî wana rîngî, kwoguo ndigatiga kûmaverithia. Nîmeekire andû a Gileadi ûndû mûcûku mûno, ta ngano ikîthîwa na gîkaari gîa cuuma.

Amosi 1:6

Ngai-Mûnene arauga atîrî, “Andû a Gaza matûûraga mevagia, kwoguo ndigaatiga kûmaverithia, nîmaavirire andû onthe Edomu, makîmendia kuo matûûre marî ngombo.

Zakaria 10:11

Makaavîtûkîrîra îriarî rîa mathîna, na makûmbî ma manjî ma îriarî nîngaatûma mavwe, na ndûme manjî marîa ma rûnjîrî rûrîa rûrikîru rwa Nailo mavwe. Mwîtîîo wa vûrûri wa Asîria nîngaaûthiria, naguo wathani wa Misiri ndûme ûthire.

Zakaria 10:3

Ngai-Mûnene mwene vinya wonthe augîte atîrî, “Nîndakarîtue mûno nî arîthi, na nîngaaverithia atongoria nîûndû Ngai-Mûnene nî amenyagîrîra andû ake a Juda; nîakaamatua ta mbarathi ciake cia mbaara irî na vinya.

Zakaria 12:6

“Vîndî îo nîngaatûma mbarî cia Juda ituîke ta mwaki ûgwakana mûtitûrî, kana ta mwaki ûgwakana mûgûndarî wa ngano îrî nyûmû. Nîikaavîvia ndûrîrî cionthe irîa iithiûrûrûkîrîtie na mwena wa ûrîo na wa ûmotho. Nwatî andû arîa matûûraga Jerusalemu magaatûûra kûu îtûûrarî na thayû.

Zakaria 9:10

Ngai mûnene nîakaathengutia ikaari cia mbaara ciume Efiraimu, na athengutie mbarathi cia mbaara ciume Jerusalemu, naguo ûta ûrîa ûvûthagîrwa vîndî ya mbaara nîûkaaunangwa. Mûthamaki nîagaatûma ndûrîrî igîe na thayû, wathani wake ûkaauma îriarî kûthiî nginya îriarî, na kuuma rûnjîrî nginya mîthiia ya nthî.

Zakaria 9:13

Nîndûmîra Juda ta ûta wakwa, Efiraimu nîmûtuîte ta mîguî yakwa. Mue andû a Zayuni, anake enyu nîngaamatua ta rûviû rwakwa rwa njûra, makethîrwa mekariî ta rûviû rwa mbaara, rwa kûtharîkîra andû a Ngiriki.”

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 19:14

Nayo mbûtû ya athigari a îgûrû nîmaamûrûmîrîre mekarîrîte mbarathi cia rangi njerû, na mekîrîte nguo cia hariri ntheru cia rangi njerû.