Mika 5:10 - ÎVUKU RÎA ÛVORO MWARO

¹⁰ Ngai-Mûnene arauga atîrî, “Vîndî îo nîngathengutia mbarathi kuuma gatagatîrî kenyu, na njûkangie ikaari cienyu cia mbaara.

Mika 5:10 ပူးပေါင်းရင်းမြစ်များ

Isaia 2:7

Vûrûri wao wîcûrîte sîlûva na thaavu, na mûthithû wao ndûngîthira. Vûrûri wao wîcûrîte mbarathi, na ikaari ciao cia mbaara itingîtarîka.

Jeremia 3:23

Nama tûrî aveenie mûno rîrîa tûragooca tûrî îgûrû rîa irîma; nama ûvonokio wa Isiraeli; umaga kûrî Ngai-Mûnene Ngai wetû.

Hosea 1:7

Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Hosea 14:3

Vûrûri wa Asîria ndûgatûvonokia wana kana mbarathi cietû cia mbaara itûvonokie tûrî mbaararî. Tûtigeta mîvuanano îrîa tûmbîte na njara cietû ‘Ngai wetû.’ We nîwe wîgucagîra ciana cia ngoriai ntha.”

Hagai 2:22

kûgarûrania mothamaki na kûthiria mavinya mao. Nîmûgaacûkangia ikaari ciao cia mbarathi na atwarithia a cio, nao nîmakaaûragana o ene kwa ene.

Zakaria 9:10

Ngai mûnene nîakaathengutia ikaari cia mbaara ciume Efiraimu, na athengutie mbarathi cia mbaara ciume Jerusalemu, naguo ûta ûrîa ûvûthagîrwa vîndî ya mbaara nîûkaaunangwa. Mûthamaki nîagaatûma ndûrîrî igîe na thayû, wathani wake ûkaauma îriarî kûthiî nginya îriarî, na kuuma rûnjîrî nginya mîthiia ya nthî.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.