Mika 4:8 - ÎVUKU RÎA ÛVORO MWARO

⁸ Nawe kîrîma Kîam Jerusalemu, vandû vatûgîru varîa Ngai aroragîrîria andû ake ta mûrîthi, nîûgaatuîka îtûûra rînene rîa ûthamaki ûrîa warî waku, Jerusalemu nîgaatuîka rîngî îtûûra rînene rîa mûthamaki.

Mika 4:8 ပူးပေါင်းရင်းမြစ်များ

Kîam 35:21

Isiraeli nîwathiîre na mbere na rûgendo na akîamba îgema rîake mwena ûcio wîngî wa nyomba nene ya Ederi.

2Sam 5:7

(Nwatî Daudi nîwacunanire îtûûra rîu rîao rîa Zayuni, rîrîa rîairigîrîtwe na nthingo cia vinya mûno na rîgîcoka gwîtwa “Îtûûra rîa Daudi.”)

Nehemia 3:25

Palali mûvîcî wa Uzai nîwatumire rîngî gîcunjî Kîam rûthingo kuuma varîa rûthingo rweyunîrîte na varîa nyombarî îrîa ndaca ya mûthamaki yaumîrîrîte na îgûrû. Nyomba îo yarî vakuvî na kûrîa arangîri meekaraga. Gîcunjî kîrîa Kîamrûmîrîrîte nakîo gîatumirwe nî Pedaia mûvîcî wa Paroshi.

Thaburi 24:7

Vingûkani mue ivingo, vingûkani mue ivingo cia tene, nîguo Mûthamaki ûrîa ûrî riiri atonye.

Thaburi 48:3

Ngai nîwonanîtie atî nîke ûgitanagîra, îtûûrarî rîrîa ririgîre na nthingo cia vinya.

Thaburi 61:3

nîûndû we nîwe ûngitagîra, we nîwe kûndû kûgitîre na vinya gwa kwîthitha kuuma kûrî nthû ciakwa.

Rwîmbo rwa Nyîmbo 4:4

Ngingo yaku nî ta nyomba ndaca ya Daudi, îtumîtwe ya kwiga indo cia mbaara, îcurîtue ngo ngiri îmwe cia athigari njamba a mbaara.

Isaia 1:26

Nîngaamûcokeria atucanîri ciira ta arîa a mbere, na andû a kûmûtaara wata arîa mwarî nao Kîammbîrîriarî. Vuva wa ûguo Jerusalemu nîgaacoka gwîtwa, ‘Îtûûra rîa Ûthingu,’ ‘Îtûûra Rîvokeku.’ ”

Isaia 10:32

Ûmûnthî nthû nîikûrûngama Nobu, ikûnjîrîte kîrîma gîa Zayuni ngundi, karîma ka îtûûra rîa Jerusalemu.

Isaia 5:2

Nîwacimbire mûgûnda ûcio na akîûngania mathiga monthe; na akîvanda mîthavibu îrîa mîaro mûno. Nîwatumire nyomba ndaca na îgûrû gatagatî ka mûgûnda ûcio nîûndû wa kûûgitîra, na akîrûtha vandû va kûvivîra ndivei kûu mûgûndarî. Nîweterere mîthavibu iciare, nwatî mîthavibu îo yaciarire thavibu cia kîthaka.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 7:18

Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Obadia 1:21

Andû arîa magaatigara marî mwoyo nîmakaathiî kîrîmarî gîa Zayuni, nao nîmakaathaga kîrîma gîa Esaû, Nake Ngai-Mûnene nîke ûgaatuîka mûthamaki.”

Mika 2:12

“Nwatî nama mue andû a Jakovu nîngaamûgomania vamwe, nîngaûngania andû a Isiraeli arîa matigarîte, nîmagomanie vamwe ta ng'ondu irî Kîamgarî, ta ndîthia nene ya ng'ondu irî kîthakarî, nîmûgaatuîka gîkundi Kîam andû eengî,”

Zakaria 9:10

Ngai mûnene nîakaathengutia ikaari cia mbaara ciume Efiraimu, na athengutie mbarathi cia mbaara ciume Jerusalemu, naguo ûta ûrîa ûvûthagîrwa vîndî ya mbaara nîûkaaunangwa. Mûthamaki nîagaatûma ndûrîrî igîe na thayû, wathani wake ûkaauma îriarî kûthiî nginya îriarî, na kuuma rûnjîrî nginya mîthiia ya nthî.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Ndari 24:19

Isiraeli nîakaavootana, na athirie andû arîa makethîrwa matigarîte.”

Mathaayo 21:33

Nake Jesû nîwamerire atîrî, “Tathikîrîriani ngerekano îngî. Vîndî îmwe kwarî na mûndû wavandire mîthavibu mûgûndarî wake. Nîwacokire akîwiriga, akînja îrima rîa kûvivîra thavibu na agîtuma nyomba ya arangîri. Nîwacokire agîûkomborithia arîmi na akîthiî vûrûri wîngî.

Maariko 12:1

Jesû nîwambîrîrie kûthomithia andû na ngerekano na akîmeera atîrî, “Vîndî îmwe kwarî na mûndû wavandire mîthavibu mûgûndarî wake. Nîwawirigîre, akînja îrima rîa kîndû gîa kûvivîra ndivei, na agîtuma nyomba ya arangîri. Nîwacokire agîûkomborithia arîmi na akîthiî vûrûrirî wîngî.

Aefeso 1:21

Kûu Kristû athanaga arî îgûrû rîa anene onthe, athani, maavinya na mothamaki. Ke arî na rîîtwa rîkîrîte marîa mengî monthe ma mavinda ma rîu wana ma mavinda marîa magaaûka.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.