Mika 4:5 - ÎVUKU RÎA ÛVORO MWARO

⁵ Wa vûrûri ûgoocaga na ûkathîkîra ngai ya guo, nwatî tue tûkaagoocaga na tûkathîkîra Ngai-Mûnene, Ngai wetû tene na tene.

Mika 4:5 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

2Atha 17:29

Nwatî andû a mavûrûri monthe nwa maarûthire mîvuanano yao ene, wa andû marî îtûûrarî rîao, na makîmiga kûndû kûrîa gûtûgîru gwa kûgoocerwa kwarûthîtwe nî andû a Samaria.

2Atha 17:34

Andû acio matwîre mekaga wa ûrîa meekaga tene nginya ûmûnthî. Matigoocaga Ngai-Mûnene kana mavingia mawatho, irîra kana watho na maathani marîa aaveere njiarwa cia Jakovu, ûrîa eetire Isiraeli.

Thaburi 20:6

Rîu nîmbicî atî Ngai-Mûnene nîavecaga mûthamaki ûrîa athuurîte ûvootani, arî îgûrû kûrîa atûûraga nîacokagia mavoya make, nîamûvotithagia kûvoota nthû ciake cionthe na vinya wake.

Thaburi 48:14

“Ûyû nîke Ngai wetû tene na tene; nîatûûra atûtongoragia tene na tene.”

Thaburi 71:16

Nîngaanîrîra ciîko ciaku cia vinya, we Mwathani Ngai-Mûnene; nîngaanîrîra atî we wenga tu, nîwe mûthingu.

Isaia 2:5

Rîu, mue njiarwa cia Jakovu, ûkani tûthiîre ûtherirî wa Ngai-Mûnene.

Isaia 26:13

Ûûi Ngai-Mûnene, Ngai wetû, nîtwathagwa nî athani engî, nwatî we wenga tu nwawe twicî.

Isaia 26:8

We Ngai-Mûnene nîtûgwetagîrîra, tûrûmîrîrîte matuîro maku ma ciira; na ngoro cietû nwawe ciîriragîria.

Jeremia 32:40

Nîngarûtha kîrîkanîro gîa tene na tene nao atî, ndigatiga kûmeka maûndû maro na nîngatûma manîtigîre na ngoro ciao cionthe, nîguo matikandiganîrie rîngî.

Zakaria 10:12

Nîngaatûma andû akwa magîe na vinya, na nîmakaambathîkagîra na mangoocage.” Nînie Ngai-Mûnene nauga ûguo.

Ciîko 14:16

Vingo ya tene Ngai nîwetîkagîria andû onthe meke wa ûrîa meendaga.

Gûco 27:10

Kwoguo athîkagîrani Ngai-Mûnene Ngai wenyu na mwathîkagîre maathani make monthe marîa ngûmûva ûmûnthî.”

Akol 2:6

Nîûndû nîmwamûkîre Jesû Kristû, tûûrani mûrî kîndû kîmwe nake mûrî na ûrûmwe na Jesû Kristû, nîûndû mwîetîkîru atî ke nîke Mwathani wenyu.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”