Mika 4:10 - ÎVUKU RÎA ÛVORO MWARO

¹⁰ Mue andû a Jerusalemu, rîrani na mûthînîke nî ûrûrû ta wa mûndûmûka agîciara, nîûndû nîmûkuuma îtûûrarî rîîrî mûthiî mûgatûûre werûrî, nîmûkûthiî Babuloni. Nwatî mûrî kûu Ngai-Mûnene nîakaamûvonokia, na amûkûûre kuuma kûrî nthû cienyu.

Mika 4:10 ပူးပေါင်းရင်းမြစ်များ

2Atha 20:18

Anake amwe aku, arîa ûciarîte we mwene nîmakaathiîwa nao na matuwe ngaramba nîguo matungatage mûciî kwa mûthamaki wa Babuloni.”

2Atha 25:4

Rûthingo rwa îtûûra nî rwomorirwe mwena ûmwe na mûthamaki vamwe na athigari onthe a mbaara nîmaaûrire ûtukû mavîtûkîrîrîte mûgûndarî wa mûthamaki. Maavîtûkîrîre kîvingorî kîrîa Kîamrî gatagatî ka nthingo igîrî, na nîmaathiîre merekerete mwena wa Araba, wana ethîrwa athigari a Babuloni nîmaarigicîrîtie îtûûra.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

2Maû 36:20

Andû a Juda arîa maatigarire nîmaavirirwe îthamîriorî Babuloni na magîtuîka ndungata cia mûthamaki wa Babuloni na njiarwa ciake. Nîmaatûûrire kûu marî ngombo nginya rîrîa kwagîîre na ûthamaki wa Perisia.

2Maû 36:23

“Cairasi, mûthamaki wa Perisia augîte atî: Ngai-Mûnene, Ngai wa îgûrû nîanduîte mûthamaki wa nthî yonthe na nî anthuurîte nîmûtumîre hekarû îtûûrarî rîa Jerusalemu vûrûrirî wa Juda. Kwoguo mue muonthe arîa mûrî a Ngai-Mûnene gatagatîrî kenyu, thiîni Jerusalemu na Ngai wenyu aroîthîrwa namue.”

Thaburi 106:10

Kwoguo nîwamavonokirie kuuma kûrî nthû ciao, na akîmakûûra kuuma kûrî vinya wa nthû ciao.

Isaia 43:14

Ngai-Mûnene Mûkûri wenyu Ûrîa Mûtheru wa Isiraeli arauga atîrî, “Nîngûtûma athigari a mbaara kûu Babuloni nîûndû wenyu, na nîngaaunanga ivingo cionthe cia îtûûra rîu, na gîkeno Kîam Akalidei nîgîgaatuîka macakaya.

Isaia 45:13

Nînie nathire Cairasi avingie ûrîa nendaga na kîvooto, na nîngaarûngaria njîra ciake cionthe. Nîagaatuma rîngî îtûûra rîakwa Jerusalemu, na arekererie andû akwa arîa marî îthamîriorî. Ageeka ûguo atakûrîvwa kana avakwa kîveo.” Ûguo nîguo Ngai-Mûnene augîte.

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Jeremia 13:4

“Oca thuruvarî îo wîkîrîte na ûthiî rûnjîrî rwa Farati na ûmîthithe vau mwatûkarî wa îthiga.”

Jeremia 15:21

Nîngagûtethûra njararî cia andû arîa aganu, na ngûvonokie kuuma kûrî arîa makûnyitîte na matarî na vinya.”

Jeremia 29:20

Mue muonthe arîa narutire Jerusalemu na ngîmûvira Babuloni îthamîriorî, tathikîrîriani ûrîa nie Ngai-Mûnene nîrauga.

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 48:41

Matûûra na kûndû kûrîa kûgitîre nîgûgaatavwa. Mûthenya ûcio athigari a mbaara a Moabu, nîmakegua guoya ta mûndûmûka akîgîa na mwana.

Jeremia 52:27

Nake Nebukadinezarû mûthamaki wa Babuloni nîwamarivire na akîmaûragîra îtûûrarî rîa Ribula vûrûrirî wa Hamathi. Ûguo nîguo andû a Juda maatavirwe na makîthamua kuuma vûrûrirî wao.

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Hosea 13:13

Ûrûrû ta wa mûndûmûka akîgîa na mwana nîûmûkinyîrîte. Nwatî ke nî mwana mûritu; kavinda gake ga gûciarwa ke nîwaregire kuuma ndarî ya ng'ina!

Hosea 2:14

Kwoguo ta roria, nîngûmûgucîrîria nîngûmûvira werûrî mbarie nake kavora.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mika 5:3

Kwoguo Ngai-Mûnene nîagaatiganîria andû ake, nginya rîrîa mûndûmûka ûrîa ûrî îvu agaaciara kavîcî. Nao andû ao arîa marî îthamîriorî nîmagaacokanîrîra rîngî na andû a Isiraeli.

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.