Mika 3:8 - ÎVUKU RÎA ÛVORO MWARO

⁸ Nwatî nie, Ngai-Mûnene nîamvete vinya, na Roho wake nîamvotithîtie kûmenya ûma, na nîamvete kîvooto na ûvoti wa kwîra andû a Isiraeli na a Juda mevia mao.

Mika 3:8 ပူးပေါင်းရင်းမြစ်များ

Ayubu 32:18

Nîûndû nîrîmwîcûre nî ndeto, roho wakwa nîûraningîrîria kwaria.

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Jeremia 1:18

Taroria, ûmûnthî nîngûgûtua îtûûra ririgîre, gîtugî gîa cuuma na rûthingo rwa gîcango, nîguo wîtîkîre atongoria onthe a vûrûri, athamaki a Juda, anene onthe, athînjîri-Ngai onthe, na andû onthe a vûrûri ûcio matigakûvoota.

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Maca 2:14

Arathi enyu nîmoonete cioneki cia maveeni, nîmakunîkîrîte mavîtia maku nîguo mavote gûkûrûnga, nwatî cioneki ciao ciarî cia maveeni.

Ezek 16:2

“Mûndû, menyithia îtûûra rîa Jerusalemu maûndû marîa macûku rîkîte.

Ezek 20:4

“Mûndû, nîûgaatuîra andû aya? Mamenyithie maûndû marî mûgiro marîa meekirwe nî methe mao ma tene.

Ezek 22:2

“We mûndû, nîûgaatuîra ciira îtûûra rîîrî rîcûrîte aûragani? Rîmenyithie maûndû monthe marîa marî mûgiro rîaneka.

Ezek 23:36

Ngai-Mûnene nîwambîrire atîrî, “We mûndû, nîûgûtuîra Ohola na Oholiba ciira? Meere maûndû marîa marî mûgiro mekîte.

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Ezek 43:10

“Mûndû, îra andû a Isiraeli ûvoro wîgiî hekarû na mathome mûcoro wa yo. Tûma maconoke nîûndû wa ciîko ciao njûku.

Mathaayo 7:29

Ke ndeekariî ta arimû a watho, nwatî aathomithanagia arî na wathani.

Maariko 3:17

Jakuvu mûrû wa Zebedii na Johana mûrwang'ina na Jakuvu (arîa aatuîrîre rîîtwa akîmeeta, Boanerigesi, naguo ûguo nî ta kuga “Andû a marurumî,”);

1Akor 2:4

Ngîthomithia na ngîvunjia ndiatûmîra ciugo irî na ûûgî wa kîûmûndû irîa igucagîrîria andû, nwatî natûmîre ciugo cionanagia vinya ûrîa ûvecanagwa nî Roho wa Ngai.