Mika 3:2 - ÎVUKU RÎA ÛVORO MWARO

² Nwatî mue mûmenete maûndû marîa maro na mûkenda maûndû marîa macûku. Mûrutaga andû akwa rûûo, na mûgatinangia nyama kuuma mavîndîrî mao.

Mika 3:2 ပူးပေါင်းရင်းမြစ်များ

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Thaburi 53:4

Ngai araûria atîrî, “Nîkwa andû arîa mekaga maûndû macûku matarî na ûmenyo? Marîcaga andû akwa ta ûrîa marîcaga irio; na matingoocaga.”

Nthi 28:4

Andû arîa mareganaga na watho makumagia andû arîa aganu, nwatî arîa mathîkagîra watho nîmareganaga na andû arîa aganu.

Isaia 3:15

Mwîciragia atîa rîrîa mûkûvinyîrîria andû akwa na mûkanyarira athîni?” Ûguo nîguo nie, Mwathani Ngai mwene vinya wonthe, nîraûria.

Isaia 5:20

Andû arîa metaga maûndû macûku maro kaî marî na thîna-î, namo maûndû maro makameta macûku. Arîa maugaga nduma nî ûtheri, naguo ûtheri nî nduma. Arîa maugaga kîndû kîrîa kîrûrû kîrî mûrîo, nakîo kîrîa kîrî mûrîo nî kîrûrû.

Isaia 57:12

Nie nîngaaumbûrîra andû ûvoro wa ûthingu wenyu na mawîra menyu, nwatî mîvuanano yenyu ndîkaamûguna.

Ezek 11:7

“Kwoguo, nie Ngai-Mûnene mbugîte atî, ciimba cia andû arîa mûragîte na mûkamaikia na kûu, andû arîa mûragîte nîo nyama, narîo îtûûra rîîrî nîrîo nyûngû ya kûruga, nwatî nîngûmûruta kuo.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 24:4

Îkîra inuku cia nyama irîa mbaro kûu thuvuriarî, inuku cionthe irîa mbaro cia ciaû na ituro. Îkîra mavîndî marîa maro wanamo.

Ezek 34:3

Mûnyunyaga îria na mûkeguîka nguo cia guoya wacio na mûthînjaga irîa noru, nwatî mûtiirîthagia.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 5:15

Thûrani maûndû macûku na mwende maûndû maro, na mûrûmagîrîre kîvooto magootirî. Nwa kwîthîrwa Ngai-Mûnene, Mwene vinya wonthe nwa akinyîrie njiarwa cia Josefu irîa itigarîte wega wake.

Mika 2:8

Nwatî mue mûtharîkagîra andû akwa ta nthû; nîmûcunaga andû arîa endi thayû nguo ciao, arîa macokaga kuuma mbaararî magîciiragia atî mûciî marî na thayû.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Luka 19:14

Nwatî andû a vûrûri wake nîmaamûmenete mûno, kwoguo nîmaatûmire anjaama mamuume vuva, na maakinya mauge atîrî, ‘Tue tûtikwenda mûndû ûyû atuîke mûthamaki wetû.’

Johana 18:40

Nao maugîrîrîtie nîmaamûcokerie atîrî, “Naarî ndûkamwovore! Tûrenda ûtwovorere Baraba!” (Nake Baraba aarî mûcunani.)

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

2Tim 3:3

Andû matangîtugana, andû matarî ntha, andû a ngutû, andû matûmaga andû magîa na guoya na andû mathûraga maûndû marîa maro,