Mika 2:9 - ÎVUKU RÎA ÛVORO MWARO

⁹ Mûvinyûragia aka a andû akwa, kuuma nyombarî ciao irîa mbaro, na nîmûgirîtie ciana ciao ikinyîrwa nî irathimo ciakwa tene na tene.

Mika 2:9 ပူးပေါင်းရင်းမြစ်များ

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Jeremia 10:20

Îgema rîakwa nîrîomomore, mîkanda yarîo yonthe nîmîtuîkangu, ciana ciakwa nîindiganîrîtie, na gûtirî wanarî ûmwe mûtigaru wa kûnyambîra îgema rîngî, kana wa kûnjurîria itambaa.

Ezek 39:21

Ngai-Mûnene nîwambîrire atîrî, “Nîngoonia ndûrîrî riiri wakwa, na nîikoona ûrîa ndûmagîra vinya wakwa ngîtucanîra cira na kîvooto.

Joeli 3:6

Nîmwendetie andû a Juda na a Jerusalemu kûrî andû a Ngiriki na mûkîmavira kûraca na vûrûri wao.

Amosi 2:7

Nîmaanyamaririe arîa matarî vinya, na makaregana na kîvooto Kîam athîni. Mûndû na îthe mamenyanaga kîîmwîrî na mwîrîtu ûmwe ngombo, kwoguo nîmatûmaga rîîtwa rîakwa rîtheru rîgîe na mûgiro.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Habakuku 2:14

Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Maariko 12:40

Aya nwao mathithûkagîra aka a ndigwa mîciîrî yao, makamacuna indo ciao cionthe, na makeyonania ûrîa marî aro na njîra ya kûracavia mavoya. Nao nîmagaatuîrwa îvera rînene.”

Luka 20:47

Andû acio nwao mathithûkagîra aka a ndigwa na makamacuna indo ciao cionthe na magacoka makeyonania ûrîa marî aro na njîra ya kûracavia mavoya. Andû acio nîmakaaverithua mûno makîria!”

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’