Mika 2:10 - ÎVUKU RÎA ÛVORO MWARO

¹⁰ Ûkîrani mûthiî, nîûndû gûkû gûtirî na gwa kûvurûka. Mevia menyu nîmatûmîte kûndû gûkû gûcûkangue.

Mika 2:10 ပူးပေါင်းရင်းမြစ်များ

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Maû 7:20

nîngaamûruta vûrûrirî ûrîa nîmûvete na ndiganîrie hekarû îno nyamûrîte îtuîke vandû va kûngoocagîra. Andû a mavûrûri monthe nîmakaamîvûthîrîria na mamînyarare.

Thaburi 106:38

Nîmeetûrûrire nthakame ya andû mataarî na mavîtia, nthakame ya anake na erîtu ao; arîa maarutire marî magongoona kûrî mîvuanano ya Kanaani, naguo vûrûri ûkîgwatwa nî mûgiro nîûndû wa nthakame îo.

Thaburi 95:11

Kwoguo nînaarakarire na ngîîvîta ngiuga, matigaatonya kîvurûkorî gwakwa.”

Jeremia 10:18

Nîûndû Ngai-Mûnene arauga atîrî, “Taroria, nîngûmwikia nja ya vûrûri ûyû, nîngamaretithîria mathîna meengî mûno.”

Jeremia 3:2

Taroriani îgûrû rîa tûthûrûmûndû twa irîma na mwone! Kûrî vandû mûtanagoocera ngai ng'eni? Wîkaraga mûkîrarî wa njîra wetererete arûme a gûkwenda, ta ûrîa mwarabu akavagîra andû werûrî. Nîûtûmîte vûrûri ûgîe na gîko, nîûndû wa ciîko ciaku cia ûmaraa.

Jeremia 9:19

Nîûndû mûgambo wa kîrîro nîûreguîka kûu Zayuni ûkiuga atîrî, “Tûrî acûkangie viû! Tûrî aconorithie viû! Nwanginya tume vûrûrirî wetû; nîûndû mîciî yetû nîmîomomore.”

Ezek 36:17

“We mûndû, vîndî îrîa andû a Isiraeli maatûûraga vûrûrirî wao, nîmaaûgwatirie mûgiro nîûndû wa mîthiîre yao na mîtugo yao. Mîtugo yao marî mbere yakwa yekariî ta gîko Kîam mûndû mûka vîndî îrîa arî kavindarî gake ka mweri.

Ezek 36:19

Nînaamatuîrîre kûringana na mîtugo na mîthiîre yao na ngîmanyagania makîthiî mavûrûrirî mageni.

Gûco 12:9

nîûndû mûtirî mûrakinya kîvurûkorî na vûrûri ûrîa Ngai-Mûnene Ngai wenyu akûmûva ûtuîke wenyu.

Gûco 30:18

nîramwîra ûmûnthî, atî nwanginya mûgaakua. Mûtigaatûûra îvinda îraca kûu vûrûrirî ûrîa mûthiîte kwîgwatîra mûringo wa rûnjî rwa Jorodani.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.