Mika 1:6 - ÎVUKU RÎA ÛVORO MWARO

⁶ Kwoguo, Ngai-Mûnene augîte atîrî, “Nîngaatûma Samaria gûtuîke kîrûndo Kîam mathiga werûrî, kûndû gwa kûvandwa mîthavibu. Mathiga marîa magûtumîte nîngaamaikia Kîamndarî, na nthikûrie mîcingi ya kuo.

Mika 1:6 ပူးပေါင်းရင်းမြစ်များ

2Sam 17:13

Angîgaatonya îtûûrarî, Aisiraeli onthe makaarete mîkanda tûkururie îtûûra rîû na tûrîvaraganie rîonthe. Gûtirî îthiga wanarî rîmwe rîgatigara vo.

2Atha 18:10

Mûthiiarî wa îvinda rîa mîaka îthatû, Shalimaneseri nîwanyitire îtûûra rîu. Ûcio warî mwakarî wa gatandatû (6), Hezekia arî mûthamaki, na nîguo warî mwaka wa kenda (9), Hosea arî mûthamaki.

2Atha 18:9

Mwakarî wa kana Hezekia arî mûthamaki, (ûcio nîguo warî mwaka wa mûgwanja, Hosea arî mûthamaki wa Isiraeli) Shalimaneseri, mûthamaki wa Asîria nîwatharîkîre itûûra rîa Samaria na akîrîrigicîria.

2Atha 19:25

“Nîkwa ûteguîte atî naavangire ûguo wa tene? Ûrîa naavangire tene rîu nîngûûvingia, ndûme womomore matûûra marîa mairigîre matuîke irûndo cia mathiga.

Isaia 17:1

Îno nî ndûmîrîri ya Ngai-Mûnene îgiî Damesiki. “Damesiki ndîgaatuîka îtûûra rîngî; îgaatuîka îganjo.

Isaia 25:12

Nîakomomora îtûûra rîrîa rîgitîre rîa Moabu na nthingo ndaca ciarîo na aigwîthie nthî.

Isaia 25:2

Nîûtûmîte îtûûra rîtuîke kîrûndo Kîam mathiga, ûgatûma îtûûra ririgîre rîtuîke îganjo. Nyomba ya ûnene ya andû a ndûrîrî nî nyomomore, na ndîgaatumwa rîngî tene na tene.

Jeremia 31:5

Nîmûkavanda mîthavibu rîngî îgûrû rîa irîma cia Samaria. Arîmi makavanda mbegû na nîmagaakenera matunda mayo.

Jeremia 51:25

Babuloni nîngûrûa nawe we kîrîma kîrîa gîcûkangagia, we ûcûkangagia nthî yonthe. Nîngûtambûrûkia njara yakwa ngûnyite, nîngûgaragaria kuuma mathigarî îgûrû, na ngûtue kîrîma kîvîvie na mwaki.

Jeremia 51:37

Vûrûri wa Babuloni nîûtuîka maganjo; ûgaatuîka kûndû gwa gûtûûrwa nî mbwe, nîgûtuîka kîmako na kûndû gwa kûnyararûa, kûndû gûtatûûragwa nî andû.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 4:1

Thaavu nîîtigîte kûvenavenia, thaavu îrîa ntheru viû nîgarûrûkîte! Mathiga ma goro nîmanyaganîtue, manyaganîtue njîrarî kûndû kuonthe.

Ezek 13:14

Nîngoomomora viû rûthingo rûu mwavakire rangi mûcerû, nîguo mathiga ma ruo ma mûcingi matigwe marî ûtherirî. Rûthingo rûu rwagwa, nîrûkamûraga muonthe, na andû onthe nîmakaamenya atî nie, nînie Ngai-Mûnene.

Hosea 13:16

Samaria nîagaakuua mûrigo wake wa mevia, nîûndû nîareganîte na Ngai wake; nîmakaûragwa na rûviû rwa njûra, ciana ciao irîa nini nîigaatemangwa inuku; na aka arîa marî îvu nîmagaatarûrangwa!”

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Habakuku 3:13

Nîwaumire ûkîthiî kûvonokia andû aku, ûkîthiî kûvonokia mûthamaki rûrîa wathuurîte. Nîwakinyangire mûtongoria wa andû arîa aganu, na ûkîthiria arûmîrîri ake onthe.

Mathaayo 24:2

Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”