Mika 1:3 - ÎVUKU RÎA ÛVORO MWARO

³ Ngai-Mûnene nîaûka aumîte kûrîa gwake kûtheru; akaanyûrûrûka athiîrîre îgûrû rîa irîma.

Mika 1:3 ပူးပေါင်းရင်းမြစ်များ

Ayubu 40:12

Roria arîa onthe marî na mwîgatho na ûmagwîthie, na ûkinyange andû arîa aganu marî wa vau marî.

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Ezek 3:12

Nînacokire ngîambararua na îgûrû nî Roho, na vuva wakwa nînegwire mûgambo ta wa kîthingithia kînene ûkiuga, “Riiri wa Ngai-Mûnene ûrîa ûrî îgûrû ûrokumua.”

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

Amosi 9:5

Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Habakuku 3:19

Mwathani Ngai-Mûnene nîke vinya wakwa, nîatûmaga magûrû makwa matuîke ta ma nthwariga, atûmaga nthiîrîre irîma îgûrû.

Zakaria 14:4

Vîndî îo, Ngai-Mûnene nîakaarûngama îgûrû kîrîmarî Kîam mîtî ya mîtamaiyû kîrîa kîrî na mwena wa îrathîro wa îtûûra rîa Jerusalemu. Kîrîma kîu nîgîkagaanua maita maîrî kuuma mwena wa îthûîro nî Kîamnda kînene. Nuthu îmwe îkathiî mwena wa rûgûrû, na nuthu îo îngî mwena wa îveti.

Gûco 32:13

“Nîwametîkîrie mathiîre kûndû kûrîa gûtûgîru, makîrîcaga irio irîa ciarî mîgûndarî. Nîwamavere ûûkî kuuma mathigarî makîrîa, na maguta ma ndamaiyû kuuma rûciararî.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”