Mathaayo 9:35 - ÎVUKU RÎA ÛVORO MWARO

³⁵ Nake Jesû nîwathiîre matûûrarî monthe na icagirî cionthe. Ke nîwathomithagia arî mavoerorî, akîvunjagia Ûvoro Mwaro wîgiî Ûthamaki wa Ngai, na akîvonia andû arîa maarî na mîrimû na wonje wa mîthemba yonthe.

Mathaayo 9:35 ပူးပေါင်းရင်းမြစ်များ

Mathaayo 10:1

Jesû nîwetire arutwa ake îkûmi na aîrî vamwe, akîmava wathani wa kûrutûrûra ngoma, na kûvonia mîrimû na wonje wa mîthemba yonthe.

Mathaayo 11:1

Na rîrîa Jesû aarîkirie kûthomithia arutwa ake arîa îkûmi na aîrî, nîwaumire kûu na akîthiî kûthomithia na kûvunjia matûûrarî marîa maarî gûkuvî na kûu.

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Maariko 1:14

Rîrîa Johana aavingîrwe njeera, Jesû nîwathiîre Galili akîvunjagia Ûvoro Mwaro wa Ngai,

Maariko 6:56

Na wa kûndû kuonthe kûrîa Jesû aathiîcaga; icagirî, matûûrarî, wana kana mîgûndarî, andû nîmaaviraga arwaru thokorî, na makamûthaithaga etîkîrie arwaru mavûrûrie wana angîthîrwa nî mîthiia ya nguo yake. Nao arwaru onthe arîa maamîvûrûririe nîmaavonirue.

Maariko 6:6

Nake nîwamakire mûno nîûndû andû matiarî na wîtîkio. Nake nîwathiîre icagirî irîa ciarî vakuvî na Nazarethi akîthomithagia andû.

Luka 13:22

Jesû nîwavîtûkîrîre icagirî na matûûrarî akîthomithagia andû vîndî îrîa aathiîte îtûûrarî rîa Jerusalemu.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 2:22

“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.