Mathaayo 8:20 - ÎVUKU RÎA ÛVORO MWARO

²⁰ Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Mathaayo 8:20 ပူးပေါင်းရင်းမြစ်များ

Thaburi 104:12

Iconi itumaga ciomba ciacio mîtîrî îrîa îrî vakuvî na nyûnjî icio, ciûmbaga mvûarî cia mîtî îo na ikaina.

Thaburi 104:17

Iconi nîitumaga ciomba ciacio mîtîrî îo; ngune nîitumaga ciomba ciacio mîtîrî ya mîthithinda.

Thaburi 109:22

Nie nîrî mûthîni na nîrî ngîa; na ngurarîtue nginya ngororî.

Thaburi 40:17

Nie nîrî mûthîni na ndirî na vinya, nwatî we Mwathani ndûriganagîrwa nînie. We nîwe mûvonokia wakwa na Ngai wakwa; ûka we Ngai wakwa na ndûgekare!

Thaburi 69:29

Nwatî nie nîrî na ruuo na nîrî mûthiru vinya, ngitîra we Ngai, na ûmvonokie!

Thaburi 84:3

Wana tûconi twa nja nîtûtumîte ciomba cia tuo kuo, na nthûngûrûrû nîitumîte ciomba cia cio, cigaga tûcui twacio vakuvî na metha yaku ya kîgongoona, we Ngai-Mûnene, mwene vinya wonthe, mûthamaki na Ngai wakwa.

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Mathaayo 12:32

Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Mathaayo 12:8

Kwoguo Mûrû wa Mûndû nî Mwathani wa mûthenya wa thavatû.”

Mathaayo 13:37

Nake Jesû nîwamacokerie atîrî, “Mûndû ûrîa wavandire mbeû mbaro nî Mûrû wa Mûndû.

Mathaayo 16:13

Rîrîa Jesû na arutwa ake maakinyire vakuvî na îtûûra rîa Kaisarea Filipi, nîwaûririe arutwa ake atîrî, “Andû maugaga Mûrû wa Mûndû nû?”

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 17:9

Rîrîa maanyûrûrûkîte maumîte kîrîmarî, Jesû nîwamakaanirie akîmeera atîrî, “Mûtikere mûndû wana ûrîkû kîoneki kîu mwona nginya rîrîa Mûrû wa Mûndû akaariûkua.”

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Luka 12:8

“Nîramwîra na ma atî mûndû wa wonthe ûnyumbûraga mbere ya andû, wana Mûrû wa Mûndû nîakaamumbûra mbere ya araika a Ngai.

Luka 18:8

Nîramwîra atî Ngai nîamatethagia na îvenya. Nwatî vîndî îrîa Mûrû wa Mûndû agaaûka gûkû nthî, nîakeethîrîria andû mamwîtîkîtie?”

Luka 2:12

Naguo ûvoro ûcio mûkaaûmenya na njîra ta îno: mûkoona gakenge karigicîrîtue cuka na kamamîte mûvaratîrî.”

Luka 2:16

Nao arîthi nîmaathiîre maviûvîte na makîthîrîria Mariamu, Josefu na makîona gakenge kamamîte mûvaratîrî.

Luka 2:7

Nake nîwarikithathire mwana wa kavîcî akîmûrigica na cuka na akîmûmamia mûvaratîrî nîûndû gûtiarî na vandû mangîavurûkire kûu mûkawarî.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Luka 8:3

na Joana mûka wa Kuza, mûthuuri ûrîa wamenyagîrîra indo cia Herode, na Susana wa vamwe na aka eengî arîa maatûmagîra indo ciao magîtethereria Jesû na arutwa ake.

Luka 9:58

Nake Jesû nîwamûcokerie atîrî, “Mbwe ciîthagîrwa na marima, iconi ikethîrwa na ciomba, nwatî Mûrû wa Mûndû ndarî na vandû angîmama avurûke.”

Johana 1:51

Jesû nîwacokire akîmeera atîrî, “Nîramwîra ûvoro wa ma atî: nîmûkoona îgûrû rîkîvingûka nao araika a Ngai makiunûkia na makînyûrûrûka îgûrû rîa Mûrû wa Mûndû.”

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

Johana 13:31

Judasi aathiî, Jesû nîwaugire atîrî, “Rîu Mûrû wa Mûndû nîmûve riiri, na riiri wa Ngai nîwonanîtue na njîra ya Mûrû wa Mûndû.

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 3:14

“Wata ûrîa Musa aaûkîrîrie njoka ya gîcango arî werûrî ûguo nwa ta guo Mûrû wa Mûndû wa nake agaaûkîrîrua

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Johana 6:53

Nake Jesû nîwamerire atîrî, “Nie nîramwîra ûma: mwarega kûrîa mwîrî wa Mûrû wa Mûndû na mûnyue nthakame yake, mûtikaagîa na mwoyo ndaarî yenyu.

Johana 6:62

Î narîo mûkona Mûrû wa Mûndû akiunûkia acokete kûrîa aarî mbererî?

Ciîko 7:56

Nake nîwaugire atîrî, “Ta roriani! Nie nînîrona îgûrû rîvingûkîte na Mûrû wa Mûndû arûngamîte mwena wa ûrîo wa Ngai!”

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.