Mathaayo 8:14 - ÎVUKU RÎA ÛVORO MWARO

¹⁴ Rîrîa Jesû aatonyire nyomba kwa Petero, nîwonire ng'ina wa mûka wa Petero amamiî ûrîrî na arî na mûrimû wa kûviûva mwîrî.

Mathaayo 8:14 ပူးပေါင်းရင်းမြစ်များ

Mathaayo 17:25

Nake Petero nîwamacokerie atîrî, “Ii, nîarîvaga.” Rîrîa Petero aatonyire nyomba, Jesû nîwamwarîrie mbere na akîmûria atîrî, “Simoni ûreciria nî andû arîkû marîvaga gooti kûrî athamaki a nthî? Nî ene vûrûri kana nî ageni?”

Mathaayo 8:15

Nake Jesû nîwanyitire mûndûmûka ûcio njara. Mûndûmûka ûcio nîwavonire, agîûkîra na akîambîrîria gûtungatîra Jesû.

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

1Akor 9:5

Na kinthî tue tûtiagîrîrwe nî kûthiîcanagia na mûndûmûka mwîtîkia wata atûmwa arîa engî na ta aa mûrwang'ina na Mwathani kana ta Petero?

1Tim 3:2

Mûtongoria wa kanitha nwa nginya ethîrwe atarî na ûcuke, nwa nginya ethîrwe avikîtie mûndûmûka ûmwe tu, mûndû wîîguîte, mûndû ûrî na ûvoti wa kwatha merirîria ma mwîrî, mûndû ûrî na mîthiîre mîaro, mûndû ûgwataga andû ûgeni gwake mûciî, mûndû ûngîvota kûthomithia.

1Tim 4:3

Andû acio mathomithanagia atî nî naaî kûvikania na nî naaî kûrîa irio cia mîthemba îmwe na îmwe. Nwatî Ngai aaûmbire irio cionthe irî mbaro nîguo irîcagwe vuva wa gûcokia ngatho kûrî Ngai. Ciagîrîrwe nî kûrîwa nî etîkia arîa mamenyete ûvoro wa ma.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.