Mathaayo 6:31 - ÎVUKU RÎA ÛVORO MWARO

³¹ “Kwoguo mûtigatangîke ngororî cienyu mûkîîyûria, ‘Nîtûrîa ndûî’ kana ‘Nîtûnyua ndûî’, wana kana ‘Nîtwîkîra ndûî?’

Mathaayo 6:31 ပူးပေါင်းရင်းမြစ်များ

2Maû 25:9

Nake Amazia nîwaûririe mûndû ûcio wa Ngai atîrî, “Nîmbîka atîa nîûndû wa sîlûva îrîa yonthe naarîvire ngîkombora athigari kuuma Isiraeli?” Nake mûndû ûcio wa Ngai nîwamûcokerie atîrî, “Ngai-Mûnene arî na ûvoti wa gûkûva ciîngî nyîngî gûkîra icio.”

Thaburi 111:5

Nîavecaga arîa mamwîtigagîra irio, ndariganagîrwa nî kîrîkanîro gîake.

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Thaburi 55:22

Virîra Ngai-Mûnene mathîna maku, na nîagûkûmenyerera; ndangîrekereria andû arîa athingu mavootwe.

Mathaayo 15:33

Nao arutwa nîmaaûririe Jesû atîrî, “Nîva tûngîruta irio mbîganu gûkû werûrî ûyû, cia kûvaithia andû aya onthe?”

Mathaayo 4:4

Nake Jesû nîwacokirie atîrî, “Mandîkorî matheru kwandîkîtwe atîrî, ‘Andû matitûûragua nî mîgate yonga, nwatî nîmatûûragua nî kiugo wa kîonthe kîrîa Ngai aaragia.’ ”

Mathaayo 6:25

“Kwoguo nîramwîra mûtigatangîke ngororî nîûndû wa kîrîa mûkûrîa kana mûkûnyua nîguo mûtûûre, kana mûtangîke nîûndû wa nguo irîa mûgwîkîra. Na kinthî mwoyo ndûrî vata gûkîra irio? Wana kinthî mwîrî ndûrî vata gûkîra nguo?

Mathaayo 6:27

Kûrî mûndû wana ûmwe gatagatîrî kenyu ûngîyongerera mûthenya wa naarî ûmwe ûtûûrorî wake nîûndû wa gûtangîka?

Luka 10:41

Nwatî Mwathani nîwamûcokerie atîrî, “Maritha! Maritha! We nîûramakua na ûkathînua nî maûndû meengî mûno,

Luka 12:11

“Vîndî îrîa andû mamûvira mûgacirithue mavoerorî, athamaki wana kana mbere ya anene, mûtikamake mûgîîciria ûrîa mûngîyarîrîria wana kana mûngiuga.

Luka 12:22

Jesû nîwacokire akîra arutwa ake atîrî, “Nie nîramwîra atî mûtikamakue nî ûvoro wîgiî irio irîa mûvatarîte kûrîa nîguo mûtûûre, wa na kana nguo irîa mûvatarîte gwîkîra mîîrîrî yenyu.

Luka 12:29

“Kwoguo mûtigatangîke mûkîûria kîrîa mûkaarîa na mûkaanyua.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

1Pet 5:7

Tigîrani Ngai maûndû monthe menyu marîa matûmaga mûtangîke nîûndû nîamûmenyagîrîra.