Mathaayo 6:25 - ÎVUKU RÎA ÛVORO MWARO

²⁵ “Kwoguo nîramwîra mûtigatangîke ngororî nîûndû wa kîrîa mûkûrîa kana mûkûnyua nîguo mûtûûre, kana mûtangîke nîûndû wa nguo irîa mûgwîkîra. Na kinthî mwoyo ndûrî vata gûkîra irio? Wana kinthî mwîrî ndûrî vata gûkîra nguo?

Mathaayo 6:25 ပူးပေါင်းရင်းမြစ်များ

Thaburi 55:22

Virîra Ngai-Mûnene mathîna maku, na nîagûkûmenyerera; ndangîrekereria andû arîa athingu mavootwe.

Jeremia 45:5

Nîkwa ûracaria maûndû manene? Ndûkamacarie! Nîûndû nînîrarete mûthiro kûrî andû onthe a nthî. Nwatî nîngavonokia mwoyo waku kûrîa kuonthe ûkaathiîcaga. Ûguo nîguo nie, Ngai-Mûnene nîrauga.”

Mathaayo 10:19

Na rîrîa makaamûvira ciamarî cia athuuri mûtigatangîke mûkîûria maûndû marîa mûkaauga kana ûrîa mûkaaria. Rîrîa kavinda gagaakinya, mue nîmûkaamenyithua maûndû marîa mûkaauga.

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Mathaayo 6:31

“Kwoguo mûtigatangîke ngororî cienyu mûkîîyûria, ‘Nîtûrîa ndûî’ kana ‘Nîtûnyua ndûî’, wana kana ‘Nîtwîkîra ndûî?’

Mathaayo 6:34

Kwoguo mûtigatangîke nîûndû wa rûyû, nîûndû rûyû nîrûgeetangîkîra. Wa mûthenya ûrî mathîna meganu maaguo.

Maariko 13:11

Rîrîa mûkaanyitwa na mûcirithîrue ciamarî cia athuuri, mûtigatangîke mûgîîciria ûrîa mûkaauga. Vîndî îo yakinya, thiîni mûkaauga ûndû wa wonthe ûrîa mûkaavotithua nîûndû nî Roho Mûtheru ûkaaragia arî ndaarî yenyu.

Maariko 4:19

nwatî mathîna ma gûkû nthî, ta kwenda ûtonga, wa vamwe na merirîria ma mîthemba na mîthemba, makathararia ndûmîrîri îo nginya magatura maciaro.

Luka 12:11

“Vîndî îrîa andû mamûvira mûgacirithue mavoerorî, athamaki wana kana mbere ya anene, mûtikamake mûgîîciria ûrîa mûngîyarîrîria wana kana mûngiuga.

Luka 8:14

Nacio mbeû irîa ciagwîre mbîtîkîrarî ya mvîndî cia mîgua, nî andû arîa mathikagîrîria ndûmîrîri ya Ngai, nwatî waganu, ûtonga, na ikeno cia gûkû nthî ikathararia ndûmîrîri îo, na maciaro mayo makarega gûkûra.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

1Akor 7:32

Nie ndirenda mûtangîke. Mûndû mûrûme wa wonthe ûtarî mûvikaniu nîarûmbûyanagia na wîra wa Mwathani, nîûndû ke ethagîrwa akîgeria gûkenia Mwathani.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

2Tim 2:4

Mûthigari arî mbaararî endaga gûkenia mûnene wake, kwoguo ndavutanagia na maûndû mengî tiga wa ûrîa avetwe.

1Pet 5:7

Tigîrani Ngai maûndû monthe menyu marîa matûmaga mûtangîke nîûndû nîamûmenyagîrîra.