Mathaayo 6:24 - ÎVUKU RÎA ÛVORO MWARO

²⁴ “Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Mathaayo 6:24 ပူးပေါင်းရင်းမြစ်များ

Kîam 47:17

Nao nîmaaretere Josefu ndîthia yao. Nîmaakûrananirie irio na mbarathi, ng'ondu, mbûri, ng'ombe na mvunda. Mwaka ûcio wonthe Josefu nîwamakûrananîrie irio na ndîthia ciao cionthe.

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

2Atha 17:41

Kwoguo andû acio nîmaagoocaga Ngai-Mûnene, nwatî nwa maagoocaga ngai ciao cia mîvuanano, na nginya ûmûnthî njiarwa ciao itwîre ciîkaga wata ûrîa methe mao ma tene meekaga.

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Luka 16:11

Kwoguo angîthîrwa ndûrî mwîvokeku na ûtonga wa gûkû nthî, nû ûngîkwîvokera ûtonga wa ma?

Luka 16:13

“Gûtirî ndungata îngîvota gûtuîka ngombo ya athani aîrî. Nîûndû nwa yende ûmwe na îkamena ûcio wîngî, kana yathîkîre ûmwe na iire ûcio wîngî. Ndûngîvota gûtungatîra Ngai na ûtungatîre ûtonga.”

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”