Mathaayo 6:22 - ÎVUKU RÎA ÛVORO MWARO

²² “Metho nî ta taa ya mwîrî. Kwoguo ethîrwa metho maku nî maro, mwîrî waku wonthe ûkethagîrwa wîcûrîte ûtheri;

Mathaayo 6:22 ပူးပေါင်းရင်းမြစ်များ

Isaia 5:20

Andû arîa metaga maûndû macûku maro kaî marî na thîna-î, namo maûndû maro makameta macûku. Arîa maugaga nduma nî ûtheri, naguo ûtheri nî nduma. Arîa maugaga kîndû kîrîa kîrûrû kîrî mûrîo, nakîo kîrîa kîrî mûrîo nî kîrûrû.

Mathaayo 5:15

Gûtirî mûndû ûgwatagia taa na akamîkunîkîra na ndeve. Nwatî mûndû agwatagia taa, na akamigîrîra vandû îgûrû nîguo ûtheri wayo ûtherere andû onthe arîa marî kûu nyomba.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

Aefeso 6:5

Mue ngombo, athîkagîrani athani enyu mûrî na guoya na mûkinainaga. Îkagani ûguo mûrî na ngoro îmwe takwa mûrathîkîra Kristû.

Akol 3:22

Mue ngombo, athîkagîrani athani enyu a gûkû nthî maûndûrî monthe. Tigagani kûmathîkagîra wa rîrîa mamûroretie atî nîguo mamwende, nwatî mathîkagîreni mûrî na ngoro ntheru nîûndû nîmûtîîte Mwathani.