Mathaayo 6:19 - ÎVUKU RÎA ÛVORO MWARO

¹⁹ “Tigagani kwîigîra ûtonga wenyu gûkû nthî kûrîa ûrîcagwa nî igunyû, ûrotaga ûgacûka, na kûrîa kûvunjagwa nî aîi makawîa.

Mathaayo 6:19 ပူးပေါင်းရင်းမြစ်များ

Ayubu 24:16

Aîi mavunjaga nyomba ûtukû, na mûthenya makevingîra nyomba, matiumagîra ûtherirî.

Ayubu 31:24

Nie ndianevoka thaavu, kana mbiga ngoro yakwa kûrî thaavu ntherie.

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Ntha 22:2

“Mwîi angînyitwa akîvunja nyomba yene ûtukû na aûragwe, mûndû ûcio wamûraga ndagaatuîrwa atî nîûraganîte.

Nthi 11:4

Ûtonga ndûgunaga mûndû mûthenya wa îtuîro, mwatî ûthingu nîûvonokagia mûndû kuuma kûrî gîkuû.

Nthi 16:16

Kûgîa na ûûgî nî waro gûkîra kûgîa na thaavu, nîkava kûthuura ûtaûku gûkîra sîlûva.

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Mathaayo 6:20

Îigagîreni ûtonga wenyu îgûrû, kûrîa gûtarî igunyû iûrîcaga, ûtarotaga ûgacûka, na gûtavunjagwa nî aîi makawîa.

Luka 12:21

“Ûguo nwa ta guo gwîkaraga vîndî îrîa mûndû eigîra mûthithû ûrîa ûtarî wa ndûmîrîri ya Ngai.”

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 12:39

Nwatî mue mwagîrîrwe nî kûmenya atî kethîrwa mwene mûciî nîwecî vîndî îrîa mwîi agaaûka ndangîarekererie mwîi ûcio avunje nyomba yake.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 18:24

Rîrîa Jesû oonire mûndû ûcio anyitwa nî kîeva nîwaugire atîrî, “Na kaî nî ûndû mûmû itonga gûtonya Ûthamakirî wa Ngai-î!

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”