Mathaayo 6:17 - ÎVUKU RÎA ÛVORO MWARO

¹⁷ Nwatî vîndî îrîa mûrenyerekia, îthambagieni mothiû menyu na mûgacanûra njuîrî,

Mathaayo 6:17 ပူးပေါင်းရင်းမြစ်များ

2Sam 12:20

Daudi nîwaûkîrire varîa aamamîte nthî, akîîthambia agîîcanûra njuîrî, na agîcenjia nguo. Nîwacokire akîthiî nyombarî ya Ngai-Mûnene na akîvoya. Vuva wa ûguo nîwacokire gwake mûciî agîtia irio na akîrîa.

2Sam 14:2

Kwoguo Joabu nîwatûmanîre mûndûmûka ûmwe warî mûûgî watûûraga îtûûrarî rîa Tekoa. Rîrîa mûndûmûka ûcio aathiîre kûrî Joabu, Joabu nîwamwîrire atîrî, “Îîtue atî nîkwa ûracakaya, wîkîre nguo ciaku cia macakaya, na ndûgacanûre njuîrî ciaku na wîtue ta mûndûmûka wîthîrîtwe agîcakaya kavinda karaca.

Mûvunjia 9:8

Îkaraga ûkenete na ûcanjamûkîte vîndî cionthe.

Ruthu 3:3

Kwoguo îîthambie, wîvake maguta manungi waro na wîkîre nguo ciaku irîa mbaro makîria. Ûcoke ûthiî îtîrirî varîa aravûûrîra cairi na ndûkeyonithie kûrî ke nginya rîrîa akathiria kûrîa na kûnyua.