Mathaayo 5:46 - ÎVUKU RÎA ÛVORO MWARO

⁴⁶ Ethîrwa mwendaga tu wa andû arîa mamwendaga, Ngai angîmûva kîveo nîkî? Wana etia mbeca cia îgooti nîmekaga wa guo!

Mathaayo 5:46 ပူးပေါင်းရင်းမြစ်များ

Mathaayo 11:19

Na rîrîa Mûrû wa Mûndû aaûkire nîwarîre na akînyua. Nao andû onthe nîmaaugire atîrî, ‘Taroriani mûndû ûyû! Ke nî mûkoroku na nî mûrîu wa ndivei! Ke nî mûrata wa etia mbeca cia gooti na evia!’ Nwatî ûûgî nîûmenyekanaga atî nî wa ma na njîra ya ciîko ciaguo.”

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

Mathaayo 5:47

Na ethîrwa mwaragîria tu wa arata enyu, anga kûrî na ûndû mweka ûtekagwa nî andû arîa engî? Wana andû arîa matetîkîtie Ngai nîmekaga wa guo.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Maariko 2:15

Rîrîa Jesû eekarîte metharî akîrîa irio kwa Lawi mûciî, etia eengî a mbeca cia gooti na evia arîa maamûrûmîrîrîte, nîmeekaranîre vamwe na Jesû na arutwa ake.

Maariko 2:16

Na rîrîa arimû amwe a watho, a gîkundi Kîam Afarisai moonire Jesû akîrîcanîra na evia na etia a mbeca cia gooti, nîmaaûririe arutwa ake atîrî, “Nîndûî gîtûmaga arîcanîrena andû ta aya?”

Luka 15:1

Mûthenya ûmwe etia eengî a mbeca cia gooti na evia nîmaathiîre varîa Jesû aarî kûthikîrîria akîthomithania.

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Luka 19:2

Kwarî na mûnene ûmwe wa etia a mbeca cia gooti wetagwa Zakayo. Nake Zakayo aarî mûtongu mûno.

Luka 19:7

Nao andû onthe arîa moonire ûguo, nîmaanugunire makiuga atîrî, “Mûndû ûyû athiî mûciî kwa mwîvia gûtuîka mûgeni.”

Luka 3:12

Nao etia amwe a mbeca cia gooti nîmaathiîre kûvatithua na makîmûûria atîrî, “Mwarimû, tue natue twagîrîrwe nî gwîka atîa?”

Luka 5:29

Lawi nîwacokire akîthondekera Jesû kîrugo kînene mûno gwake mûciî. Gîkundirî Kîam ageni arîa meetîtwe, kwarî na etia eengî a mbeca cia gooti wa vamwe na andû arîa engî.

Luka 5:30

Nao Afarisai amwe wana arimû a Watho arîa maarî a gîkundi Kîamo, nîmaanegenirie arutwa a Jesû makîmeeraga atîrî, “Nîndûî gîtûmaga mûrîcanîre na mûnyunyanîre na etia a mbeca cia gooti wa vamwe na evia?”

Luka 7:29

Andû onthe arîa meegwire ciugo cia Jesû na mûno makîria etia a mbeca cia gooti, nîmeetîkirie atî njîra cia Ngai nî nûngarû vîndî îrîa meetîkîrire kûvatithua nî Johana.

Luka 7:34

Nake Mûrû wa Mûndû aûka akîrîcaga na akînyunyaga mûkiuga atî, ‘Taroriani mûndû ûyû! Ke nîmûkoroku na nî mûrîu! Nî mûrata wa etia a mbeca cia gooti na wa evia arîa engî.’