Mathaayo 5:39 - ÎVUKU RÎA ÛVORO MWARO

³⁹ Nwatî nie nîramwîra atî: mûndû angîkûvîtîria ndûkanerîvîrîrie. Mûndû angîgûcamûra rûvî rûthîa rwaku rwa ûrîo mûvûgûrîre rûthîa rûu rwîngî wana ruo arûcamûre.

Mathaayo 5:39 ပူးပေါင်းရင်းမြစ်များ

1Atha 22:24

Mûrathi Zedekia, mûvîcî wa Kenaana nîwacokire akîthiî kûrî Mikaia, akîmûcamûra rûvî ûthiû na akîmûria atîrî, “Roho wa Ngai-Mûnene anandiganîria na agîûka kwaria nawe?”

Ayubu 16:10

Andû manyararaga na makanthekerera, magomanaga marî ikundi makanthiûrûrûkîria, na makanjamûra rûvî nî kûmena.

Nthi 20:22

Wekwa ûndû mûcûku nî mûndû ndûkerîvîrîrie, îîvoke Ngai-Mûnene na nîagaagûtethia.

Nthi 24:29

Ndûkauge atîrî, “Ngaamwîka wa ûguo aambîkire! Thirî ya kauga îrîvagwa na kauga!”

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Maca 3:30

Nwa nginya etîkîre kûrivwa na kûrumwa.

Alawi 19:18

Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Mika 5:1

Andû a Jerusalemu gomaniani athigari enyu vamwe, nîûndû nthû nîitûrigicîrîtie, iratharîkîra mûtongoria wa Isiraeli.

Mathaayo 5:40

Na mûndû angîkûthitanga nîguo oce cati yaku, tiga oce îgoti rîaku wanarîo.

Luka 22:64

Nîmaacokire makîmûmika metho na makîmûria atîrî, “Mûrathi ûyû, ta îcirîrie nû wakûringa!”

Luka 6:7

Nao arimû a Watho na Afarisai nîmaacaragia ûndû ûrîa mangîthitanga Jesû naguo na kwoguo nîmaamûtuîririe mûno nîguo moone kana nîakûvonania, mûthenya wa thavatû.

Johana 18:23

Nake Jesû nîwamûcokerie atîrî, “Ethîrwa nînaria ûndû mûcûku, îra andû aya marî ava ûndû ûcio nî ûrîkû. Nwatî ethîrwa naria ûvoro wa ma, nîndûî gîatûma ûninge?”

1Akor 6:7

Kûvira nthitangano cienyu magootirî nîkwonanagia na ma atî mue nîmûremetwe viû. Wana tî kava mue mûvîtîrîtue kana mûcunîtwe?

1Ath 5:15

Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

Ahib 12:4

Nîûndû nîmûrûîte na mevia, nwatî mûtirî mûrarûa nginya mûgakinya kavinda ga kûûragwa.

Jakuvu 5:6

Mue nîmûtuîrîrîte na mûkaûraga andû arîa athingu na matireganaga namue.

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.